灣仔電腦通訊節今日就是最後一日，根據往年經驗，今日不少廠商都會作最後終極速銷，但求「要錢唔要貨」，唔少人亦都會趁今日作最後衝刺。除了以往一眾廠商或代理會有多種產品減價發售之外，今年的「香港電競節」就更盛大，每日都有不同的比賽及節目。始終入場大家最希望就是可以找到平價產品，想趁今日去掃貨的話又未有心水的話，就等辛尼帶各位入場「甩個圈」。
記得去樂視拎一個月免費超級視頻會藉
今年樂視的攤位依然在場內最顯眼的位置，早前亦已經各位 wire 民報導過只要入場到他們攤住就可以免費獲得一個月超級視頻會藉啟動卡，因此一早就已經吸引到不少入場人士排隊。除此之外，樂視在會場內亦都首賣 Le Max 2 手機，至於早前已推出的 Le 2，場內亦見有全新的灰色開賣。
SanDisk 超迷你 Type-C OTG 手指超好賣
今時今日越來越多新出的手機都改用 Type-C 介面，SanDisk 今年在場內就率先推出一款超迷你的 Type-C OTG 手指，一邊是傳統的 USB 3.0 介面，而另一邊就是 Type-C 介面，最重要是它的速度非常之快達到 150MB/s。這款 Ultra Type-C USB 手指容量由 32GB 至 128GB，售價則由 $149 至 $439，不過小編問過這款 OTG 手指相當受歡迎，部份售賣點在早上已經沽清，大家想買就要快手。除了這款 OTG 手指之外，SanDisk 其他產品好似記憶卡以至 SSD 都有特價價，購物達指定金額更有不同禮物。
買 Fitbit 送耳機
注意健康生活的香港人，現時或者都會買一條智能健康手帶以便隨時隨地可以監察自己的健康或記錄每日的運動量。Fitbit 在電腦節期間，都有多款產品供各位試玩。如果即場購買的話，更有耳機送，最適合邊做運動邊聽歌。
1TB 防水外置硬碟
講到最受歡迎的電腦周邊產品，外置硬碟必定屬於其中之一，除了見慣見熟的一般產品之外，漢科今年就有一款 G-Drive 防水 2.5” Thunderbolt 外置硬碟，擁有超高 1TB 容量，現場示範見到真正浸落水都唔怕，售價方面為 $1,500。同場，還有一個砌機優惠，其中配搭 NVIDIA GeForce GTX 1080 顯示卡的組合，會場優惠價 $14,300，只要再加 $1,500 更有 Cherry MX 機械鍵盤及強化玻璃機箱。
訓練員必入 3 線充電器 + iPhone 充電殼
各位小精靈訓練員，邊行電腦節邊捉小精就最好不過，事關會展中心附近小精靈數量及品種確實不少。如果行行下先發現部機電量不足又唔記得帶充電器的話，或者可以到 Everbest 的攤位買返個 8,000mAh 充電器。它最特別就是電池已經同時有 microUSB 及 Lightning 線，完全無需擔心有電無線的問題，會場優惠價只需 $338。至於，另一款 iPhone 6 /6s 電池殼就更抵玩，原價 $428 現時只需 $98，而 iPhone 5 / SE 版本就更只需 $78 就有交易。
超強打機 Notebook 即場試玩
如果各位 wire 民一心入電腦節想搵打機 Notebook 的話，Lenovo 就推出了一款全新 Idaepad Y900，配備 Intel Core i7-6820HK 處理器、32GB DDR4、512GB PCIE SSD x2 再加 GeForce GTX 980M 顯示卡。效能夠強絕對可應付現時任何遊戲，大家可以即場試玩，用 EPS 付款即減多 $100。
買多功能外套即送 USB 充電器
如果各位 wire 民經常外出都怕麻煩要拎多個袋放不同物品的話，就要去 Microworks 睇下擁有 15 個功能的 BauBax 外套！BauBax 以不同特性配合不同剪裁，造就出 4 款多功能外套，包括：Blazer 無皺西裝外套、Windbreaker 防風型外套、Bomber 飛行外套及 Sweatshirt 連帽外套。外套裡裡外外均有各式各樣的口袋及裝備，以應付不同需要，功能多達 15 種，其中包括：可拆卸頸枕、眼罩、手套、耳機暗格、眼鏡專用口袋、眼鏡抺布、原子筆、觸控筆、冰凍飲品口袋、10” 平板口袋、電話口袋、行動充電及護照口袋等。即場購買各款 BauBax 多功能外套，均可獲贈 Verbatim 4-Ports USB Adapter 一個。
Verbatim 多款周邊產品一減再減
雖然場內有不少攤位都有超平的周邊產品好似 USB 手指、充電線、耳機、流動充電器等等，但始終講到質素還是選擇大品牌會更有保證。Verbatim 在場內多款產品都有特價，而且價錢一減再減，想買有質素又有保證的產品就要快手。
入場搶先試玩 HTC VIVE 新 Games
大家還未試玩過真正的 VR 遊戲？來到香港電腦通訊節就一定要去 HTC VIVE 的攤位，當中有多款 VR 遊戲等住大家親身體驗，不過遊戲體驗採用預約制，所以大家就要趁早入場，否則就有排等。
遊戲迷又點可以錯過「香港電競節」
各位熱愛遊戲的 wire 民入到電腦節就一定要去電競場館參觀一下，今年場館比去年更大，更有不少比賽和活動。就好似會有 PC 平台的 CS:GO、英雄聯盟、爐石戰記，以 PS4 平台的 Rainbow Six SIEGE、FIFA 16和最受歡迎的 Capcom Pro Tour：街霸 V。場內更有多部遊戲機可以讓各位 Game 迷一展身手，即場同朋友對戰一番。
分享到 :
最新影片
