唔少性急嘅 wire 民,要睇一啲較刺激嘅網站又或者唔想留低瀏覽記錄，都可能會用到 Chrome 入面嘅無痕模式。理論上，每次關閉分頁後，記錄就會無影無縱。但原來只要一個插件，就算是已關閉嘅網頁，都可以重新打開，上過咩網一眼睇晒！
Off The Record History 是一款 Chrome 插件，可為用家提供暫時的瀏覽記錄。即使用無痕模式，剛剛關閉了分頁，都有機會重新打開。
▲首先，用家先到 Chrome 應用程式商店內搜尋並安裝 Off The Record History。
▲安裝時，就可以見到插件可以讀取曾訪問的網站資料，按「新增擴充功能」完成安裝。
▲要讓 Off The Record History 發揮作用，先要到 Chrome 的「設定」，打開「擴充功能」一欄，允許插件於無痕模式下執行。
▲測試中，以無痕模式同時打開 YouTube、Google 及香港天文台網頁，並關閉曾瀏覽嘅雅虎香港分頁。Off The Record History 全都能記錄下來，只要點擊所需的項目，就可以重新打開已關閉的分頁。
▲不過呢個插件只能夠暫存瀏覽資料，當大家無痕模式，就算重新打開都唔能夠再到上次的分頁記錄。
辛尼評語：用完就記得熄機
當大家以為無痕模式好安全，原來只要用好似 Off The Record History 呢類插件都可以暫存瀏覽記錄。但好在只能夠讀取到仲未關閉嘅無痕瀏覽器，只要將 Chrome 完全關閉就仍然「安全」，所以各位 wire 民下次用完無痕模式就記得順手閂埋個 Browser 喇。
分享到 :
最新影片
