Sony 剛剛推出咗今年全新 Xperia X 系列手機，而當中最頂級的全新旗艦 Xperia X Performance，除咗擁有 Snapdragon S820 處理器﹑3 GB RAM ﹑ 64 GB ROM 等旗艦規格，加入全新的對焦系統「預測追焦」更係令手機拍攝能力大幅提升。想試下到底新對焦系統有幾快？機會來了！ Sony 即將聯同我地 unwire 舉辦「Sony Xperia X 系列手機體驗日」可以比各位 WIRE 民率先試玩 Sony Xperia X 系列手機，現場觀眾仲有機會同女神 Kiki Tam 譚淇淇近距離接觸，約定你6月5日一齊黎親身體驗啦！
名額已滿,多謝各位讀者支持
Fast Capture 0.6 秒 相機啟動連拍攝
係 Xperia X Perforamance 與 Xperia X 兩款機種上，均加入了 Fast Capture 0.6 秒相機啟動連拍攝。即係點呢？Sony 好多手機都有 Shutter Key 影相專用拍攝鍵就大家都知，而係 Xperia X Performance 同 Xperia X，只要長按拍攝鍵，就可以係 0.6 秒啟動相機連拍攝。亦即係可以做到「一按即拍」！
加入「預測追焦」 從此不再怕失焦
而對焦系統部分除了保留先前 Z5 的 0.3 秒混合式對焦外，亦導入了新的「預測追焦」。當用户係屏幕上選擇對焦點之後，相機就會追蹤呢個物件嘅移動軌跡，並且係按下快門之際，計算物件可能嘅移動位置，並自動對焦係呢個位置上，係拍攝移動緊嘅車、跑緊嘅寵物或者小朋友呢類場景，更不容易因為拍攝主體嘅移動而導致失焦。
而且因為鏡頭已經先對焦係主體可能移動到嘅位置上，因此對焦時間可以更快，唔會因為對焦系統要重新做一次自動對焦，導致拍到嘅畫面同按下快門時的畫面差太多，甚至發生拍攝主體都已經跑到畫面之外的情形。
無邊框設計 望落夠哂sl
另一款 Xperia XA 則帶來矚目的近乎無邊框設計，夠型夠潮，一眼望落夠哂sl
5 吋揸手好操控 全新優化更慳電
正當依家嘅手機越來越大部， Xperia X 系列就反其道推出 5 吋機種。雖然無咗大屏幕嘅爽感，不過換來更多好處：手機變得更加好揸手，就算一隻手拎住嘢，單手操控手機都無問題，而且仲可以輕輕鬆鬆放落褲袋。
另外，Xperia X 系列手機亦對電池作出咗優化，包括加入 Stamina mode 智能慳電功能，令電池更加慳電耐用；而且亦加入咗獨家嘅 Qnovo Adaptive Charging，可了解用戶的習慣而自動調節充電時間，可有效令電池壽命增加2倍，夠哂智能。
網絡女神 Kiki Tam 譚淇淇現身！即場分享用機心得 同參加者大玩遊戲兼試機
而喺今次 Sony Xperia X 系列手機體驗日，除了會有 Sony 產品經理為大家講解最新的 Xperia X 有何過人之處，unwire 首席記者 Edward 亦會同大家分享佢嘅專業意見，仲有網絡女神 Kiki Tam 譚淇淇 (o趙海珠) 到場同大家分享佢嘅用機心得添。除此之外，現為 Viu TV 足球節目主持嘅 Kiki 更會同各位參加者近距離玩 game 兼試機，屆時 Kiki 亦會比大家用 Xperia X 拍攝，咁就可以試到新機快門有幾快，同相片嘅質素有幾好。
名額已滿,多謝各位讀者支持
分享到 :
最新影片
