之前支付寶方面已經宣佈了日後需要綁定中國國內開設的銀行賬戶，否則就需要在 5 月 20 日零時前將當中餘額用盡。不過筆者綜觀各大討論區及身邊朋友意見，其實大家對此事有不少誤解！就等 unwire.hk 趁此機會，為大家澄清9 大誤解，等大家唔好傻下傻下誤會哂啦！
誤解1：無中國本地銀行戶口就淘唔到貨
2016 年 7 月 1 日起《非銀行網絡支付管理辦法》條例將會在中國生效，因此作為中國支付平台之一的支付寶，亦需要實行帳戶實名制，而做法是要綁定在中國本地銀行開設的銀行卡（香港的銀行卡或信用卡不計算在內）。如果大家沒有中國內地銀行的銀行卡，在 5 月20 日凌晨開始就不能再使用支付寶，用唔到佢付費，咁點淘貨呢 ?
所以如果有用開支付寶淘嘢的 wire 民，就要留意了。當然，如果你並非用支付寶俾錢，例如國際信用卡、PPS、八達通、支付寶購物卡、Jetco、中銀卡快捷支付、永旺快捷支付方式，則不用理會了。
誤解 1.1 中國本地銀行戶口，一定要上大陸開
其實要開立可供支付寶使用的國內銀行戶口未必一定要返大陸才可以申請，部份的香港銀行提供所謂的「文件見証」服務，即是代替國內分行同事見証開戶人士填表申請及簽名。暫時所知提供在香港開設國內銀行戶口的銀行有中國建設銀行(亞洲)、交通銀行、工銀亞洲銀行及南商(中國)等等。
記者曾走訪建行的香港分店，職員回覆香港人如需要開設國內銀行戶口，可以申請名為「陸港通龍卡」服務，流程方面，首先用戶需要在香港建行分行開設香港銀行戶口並領取提款卡，然後會交到深 圳東門及福田的指定兩間分行開設建行內地的銀行戶口，而兩個互口可以聯連互通，之後便可以完成國內銀行戶口服務。
不過若要使用淘寶支付寶之類的網上服務，則要再在位於中環及尖沙咀的建行分行申請國內網上銀行戶口並領取 USBKey 銀盾(即: Token) 才可使用網上服務，整個見証過程約需 1 個月時間處理。要特別留意的是，申請國內網上銀行戶口必須要提供內地手機號碼才能接收 SMS，而銀行職員再三叮囑香港買到的一卡雙號卡可能在香港間中出現收唔到內地 SMS 短訊情況，不少客人反映曾被這個問題拖住整個申請程序。另外亦要注意即使在香港使用網上戶口轉賬至內地賬戶，亦會當作跨境電匯處理(每筆交易需收取 $100 手續費)，而每日交易亦不可超過 $80,000 港幣。 據建行銀行職員指出，其實親身返內地銀行開戶可能更快更方便，在一日時間便可開設所有賬戶(包括:內地戶口、網上銀行及香港戶口)，只需帶同回鄉卡、身份證、小量現金及申請一張內地電話卡接收 SMS 便可，比起在香港使用見證服務開立戶口快捷得多，趕時間的朋友不妨直接到深圳分行開戶。
誤解2：有些朋友收到要補全身份信息的短信通知，點解我無呢？係咪 send 漏咗？
根據淘寶官方表示，支付寶已針對賬戶內有餘額的淘寶會員發出這則要補全身份信息的短訊、電郵、站內訊、App內通知，並由 4月底開始，針對部份大餘額用戶開放引導補全身份信息的通道，並在5月9
誤解3：用不完的支付寶餘額會被沒收？
支付寶方面回覆: 餘額不會被沒收! 未來只要用戶補全身份信息，帳戶餘額就能繼續使用，
誤解4：如果無認證，便利店買「淘寶券」就充不到值
其實好多人都有呢個誤會！實際上大家在便利店買的「支付寶購物卡」(電腦收據)，並非為支付寶戶口充值。今次停止的只是沒有綁定中國本地銀行戶口銀行卡的支付寶賬戶，但往後大家仍然可以在便利店購買「支付寶購物卡」，而以「支付寶購物卡」付款買淘寶嘢，基本上是不受影響的。順帶一提，「集分寶」亦不受今次事件影響，5 月 20 日後暫時可以繼續使用。
誤解5：就算唔開戶口，找其他第三方充值公司幫我充值都可以啦 !
錯哂！如果大家會使用第三方充值公司，為你的支付寶戶口充值，5 月 20 日後這些公司就不能再為未有綁定中國本地銀行戶口銀行卡的支付寶賬戶充值（因為就算充值到都用唔到！），所以大家亦無可能再用呢種方法幫支付寶戶口充值然後購物了。當然，有些以往提供為大家充值支付寶賬戶的公司，現在會改為提供代付服務，不過手續上感覺比以往代充值更麻煩，筆者就不太建議大家使用了……
誤解6：我無信用卡以後淘唔到貴野 / 預售、虛擬物品及增值買唔到?
好多時交易金額又過晒 PPS / 八達通上限，又無 Jetco 其實可以可以找朋友或公司代付。官方回覆: 在雙 11 大促等活動期間，
誤解7：無得退款，因為以前用八達通俾錢會退番落支付寶
都錯！誠然，以往在淘寶購物後要退貨，店方如果要退款，一般都會退到支付寶賬戶內，但以後就不能使用這種方式退款了。不過據淘寶官方表示，系統會在 5 月底前完成升級，屆時大家用哪種方式付款，如要退款就會退回該種付款方式的賬戶內，例如：如果大家用八達通付款，退款就會退回八達通賬戶內；用信用卡付款，就會退回信用卡賬戶，如此類推。但不同方法退款時間亦有異，這一點就需要大家自行向不同平台查詢了。支付寶方面回覆: 未來經八達通、PPS、國際信用卡/中銀信用卡、Aeon 信用卡、支付寶購物卡等支付方式購物如發生退款，
誤解8：咁以後咪無方法用低手續費買到淘寶嘢囉？
其實而家要俾錢買淘寶嘢，方法已經比以前多好多：除了上文提及可以繼續在便利店買「淘寶券」，並以「支付寶購物卡」付款外，亦可以選擇用信用卡、PPS 繳費靈、八達通、銀通卡、中銀卡快捷支付、永旺快捷支付、甚至 Tap&Go 等俾錢，部分方法所收手續費其實都唔算太多（例如：八達通、 Tap&Go 同部份信用卡都只是 1.5%），基本上唔會蝕太多手續費（甚至筆者覺得比用支付寶更方便）。
誤解9：如果我仍有餘額，又諗唔到買咩好，係咪蝕硬?
其實「自用永遠係最抵」！最唔洗蝕就係大家係淘寶搵搵有冇咩想買又之前未買的，趁今次要「清零」機會，狠下心腸將它們買下來。當然，如果真係要套現，其實大家可以係淘寶買 iTunes 日本 / 美國戶口的充值卡，又或者某些網上遊戲的點數卡，咁樣拿到手後再賣番出去，點都可以套現番部分掛？但記住！！一定要買實體卡，而唔係俾個戶口人地幫你充值個種服務，咁先有 resell value。
分享到 :
最新影片
