同一般智能手錶或運動健康手環唔同，Withings 一向帶比人斯文形象，錶面亦同普通手錶無異。今日 Withings 推出了新款的 Activité Steel ，選用了 Activité 的不鏽鋼外殼的同時，使用了 Activité Pop 的膠錶帶，再帶中間價位的新選擇。
親民價的代價，放棄瑞士製造
Activité Steel 的錶面設計同上一代 Activité 有 9成相似，而且同樣選用不鏽鋼外殼同鍍鉻指針，但點解 Activité Steel 可以以千幾蚊的出售呢？原來除了改用 Activité Pop 的矽膠腕帶外，最主要原因係放棄瑞士製錶工藝，轉由中國生產，所以要平定要自我感覺良好就見仁見智。另外， Activité Steel 使用了 Activité Pop 的膠錶帶，雖然只是一般塑膠，不過就比其他品牌的塑膠錶帶柔軟。戴上手，Activité Steel 係我試過的智能手錶中最輕同細的一款，而且錶帶唔係特別粗，女仔戴都唔會太大舊。
▲ Activité Steel 用了 Activité 的不鏽鋼外殼同 Activité Pop 的膠錶帶，定價亦是兩者之間。
▲ 戴上手都覺得幾輕巧，就算我隻手比較幼都唔覺太大舊。
▲ 錶面設計同樣備有兩個指針錶盤，大錶盤顯示時間，子錶盤顯示每日達成運動目標的百分比。
▲ 錶身用不鏽鋼製造。
▲ 相比起下方的 Samsung Gear S2，Activité Steel 明顯比較薄同細。
▲ Activité Steel 的錶帶可以輕易拆除同更換，配番條皮帶就更矜貴。
▲ 雖然錶帶只是一般塑膠，不過就比其他品牌的塑膠錶帶柔軟。
8個月長氣電池，唔駛日日充電
同上幾隻 Withings 一樣 Activité Steel 內置一般手錶用的 CR2025 鈕扣電池，根據官方表示可以用到 8 個月，相比起一般智能手錶要一兩日差一次電方便得多。另外，Activité Steel 支援防水功能，無論咸、淡水都可最深達至 50 米。而且戴住佢落水會自動分析游泳數據，適合夏天使用。
▲ Activité Steel 內置加速器同追蹤器，可以自動偵測用戶每日的步行、跑步、游水 同 睡眠數據，配合手機 App 就可以制定運動，甚至減肥計劃。
▲ Health Mate APP 現在兼容 iOS 8同 Android 4.3 以上，可以記錄用家的每日步數、體重等。
依莉詩：「唔駛日日充電先叫錶！」
Activité Steel 功能同外型上與對上的 Withings 手錶沒太大分別，只係物料上同了不鏽鋼錶殼、礦物玻璃錶面同矽膠腕帶，而且轉由中國製造，沒有太大驚喜。至於功能上，其實坊間有些一百幾十至幾百元的手帶能做到類似功能，要花千幾蚊入手一隻看起來好似不太「智能」，亦只是 Made in China 的手錶實在不太化算。
Withings Activité Steel
售價：$1,348
查詢：Lava Tech HK（2768 7009）
