可能唔少 wire 民都已經有裝咗 Telegram 呢款近期大熱嘅通訊軟件，確實比起 WhatsApp 或者 FB Messenger 更加之好用，用嚟同朋友吹水或者加入唔同 Group 同人分享就非常之啱。對於大部份香港用戶嚟講，普遍都會用中文作為主要溝通，不過近日如果各位更新 Telegram 至版本 3.9 之後，就會發現輸入中文時會出現好大問題，尤其對於好似小編一樣用倉頡輸入法尤其嚴重，會重覆出現倉頡碼。
未更新 Hold 住先
由於今次係 Telegram 程式本身嘅問題，要解決嘅話就要等官方的下一次更新先有機會修復，如果各位 wire 民仲未 Update 嘅話，就建議唔好更新同時關閉咗自動更新功能，始終今次的更新並未加入對用戶有太多影響嘅功能。
▲各位 wire 民見到 Telegram 3.9 更新就唔好 Update 住。
▲跟手再去「設定」>「iTunes 與 App Store」關閉「更新項目」避免自動下載更新。
更新咗就用 Kaiboard 頂住先
如果各位 wire 民咁唔好彩真係已經「中招」，就無論你點轉輸入法都好，都係無辦法用到中文輸入法。好在今次呢個問題只會影響到 iOS 嘅原生輸入法，對於一啲好似 Kaiboard 嘅第三方輸入就未受影響。其實 Kaiboard 都可以話係 iOS 入面一款相當唔錯嘅第三方輸入法，話唔定大家今次可能因禍得褔，試過之後就完全放棄 iOS 原生輸入法。
Kaiboard 下載
▲安裝後先進入「設定」>「一般」>「鍵盤」並新增「中英混合鍵盤—Kaiboard」。
▲再按一下進入並開放「允許全權取用」。
▲之後再進入 Telegram 測試便會一齊正常，可以中英文混合輸入無須切換輸入法，而且佢仲有選字記憶功能。
▲當中更有內購功能，可以使用全部已有的 Emoji 圖案，免費版的話則只可使用少量 Emoji。
分享到 :
最新影片
