可能唔少鍾意運動嘅 wire 民都已經擁有 GoPro，確實佢喺便攜性同拍片質素上都絕對可以滿足到拍攝運動需要，今年二月 GoPro 成功收購兩間領先業界嘅創新科技公司，以 Splice 及 Quik 兩款功能強大嘅 Apps 強化 GoPro 嘅影片剪輯功能，一部 GoPro 配合一部智能手機就能輕鬆完成編輯影片。
Quik 輕鬆創作精彩短片
簡單幾個步驟，Quik 就可以讓大家輕鬆編輯精彩影片！更提供自動化嘅編輯功能，就算用 App 剪接影片都可以擁有媲美電腦級數，即使新手都能變成剪片大師。只要幾秒鐘，就可以將照片及配樂加入影片中，Quik 仲可以全自動分析短片中嘅珍貴片段，加入過場畫面同特效，並會同步配樂嘅節拍。App 入面仲有 28 個獨特嘅影片風格，每一個風格都有獨有嘅濾鏡效果、過場特效、圖案同字體，將字幕及標題放在另一層畫面中，咁就可以隨時修改字幕，甚至加入表情符號。另一個功能就係無論從音樂庫中選取那首配樂，程式都可以分析音樂節奏及情感，自動同步至影片中。
Quik ＜App Store＞<Google Play>
Splice 選項更多打造個性短片
至於另一款手機 App – Splice 就提供更多專業功能，除咗影片無長度限制，只需要幾個簡單嘅設定，幾分鐘之內 Splice 就可以完成編制大家 GoPro 或手機入面嘅影片。Splice 將功能強大嘅電腦編輯軟體功能帶入手機，方便大家將每一個珍貴時刻剪輯成心愛短片，選用喜歡嘅風格、在時間軸上剪輯片段、加上濾鏡效果、調整短片嘅播放速度，就算係剪接新手都可以輕鬆編輯出專業級數。Splice 仲可以將相片以類似幻燈片方式插入，加入短片中，或加上、修改字幕及標題。Splice 同樣都有大量免費配樂俾大家選用，仲可以從 iTunes 選取，將多段配樂剪接，自動調整音量，完成之後就可以透過 Instagram 或者 Facebook 即時分享或 Save 返落手機。
Splice＜App Store＞
分享到 :
最新影片
