曲奇風波都未完，依莉詩竟然係今日的台南街頭小食節記者會見到真‧河國榮，唔通佢轉咗口味，鍾意咗台南小食？
8 大人氣老字號雲集
台南的美食眾多，幾乎隨便一間小店都係百年老字號，由 4月30至 5月2日期間，將會有 8間老字號的元祖級創始人及掌舵人親臨荷里活廣場，即場烹調鎮店美食，而且只需捐款 $20予港澳台灣慈善基金會有限公司，就可以換領美食一份。有得食之餘，又可以支持台南災後重建工作。而今日就有其中 4間小店率先比我地試食！
1) 集品蝦仁飯
集品蝦仁飯同台南逾 90年老店「矮仔成」系出同門，蝦仁飯由日治時期的蓋飯所啟發，將火燒蝦以人工剝殼去腸泥，再同蔥段爆香快炒，與白飯、醬汁混和而成。
▲ 蝦仁飯配鴨蛋湯
依莉詩小食評：蝦仁肉質有嚼勁，飯混合柴魚湯同豬油炒成，雖然有少少油膩，不過飲一啖鴨蛋湯真係回味無窮！而鴨蛋湯以煙燻過的柴魚淆制，味道鮮甜濃郁，加上鴨蛋就更香。好好味！好好味！好好味！我要再 3推薦鴨蛋湯，因為真係好好味！(非廣告)
美味指數：★★★★★
▲ 鴨蛋湯以煙燻過的柴魚淆制，味道鮮甜濃郁，有少少似日本醬汁的味道，不過就更順口。
2) 虱目魚主題館
台灣海鮮多樣化，其中虱目魚係當地有近 400年養殖歷史，因為好多骨，所以係高檔美食。為了品味虱目魚背鰭位置 (台南人稱之為魚菲力)獨有的香滑味道，單單一隻虱目魚水餃就需用到一條只有兩條的魚菲力來造，實在彌足珍貴。
▲ 虱目魚水餃
依莉詩小食評：同一般的水餃好唔同，因為一隻就幾乎食咗半條魚，所以十分足料，餡料結實有彈性，而且味道鮮美，就算唔加醬汁都夠晒味。
美味指數：★★★★☆
▲ 一隻水餃就需要用到一條魚菲力，非常珍貴。
▲ 虱目魚就非常多骨，要成為餡料實在一 D 都唔容易。
3) 北門鹽鄉民宿餐廳
北門是台南北部的靠海地區，早期以做食鹽聞名。而西瓜綿是鄉下地區獨有食材，農民由於不想浪費長得不美觀的西瓜，他們會將在種西瓜時，將長得比較小的西瓜先拔掉，再用鹽醃製成美味醬菜，由此帶出「惜物」的概念。為了讓人認識北門，洪有志夫婦放下原本的工作，並將老家改為民宿，並提供北門當地，如西瓜綿及蚵仔等食材做成的料理。
▲ 蚵仔麵線配西瓜綿虱目魚丸湯
依莉詩小食評：蚵仔麵線唔少地方都食過，而呢個沒有湯的食法都係第一次，雖然有 D 乾，不過就令蚵仔食落更 Q彈，再飲一啖酸酸鹹鹹的西瓜綿虱目魚丸湯，就別有一番風味。
美味指數：★★★★☆
4) 楊哥楊嫂肉粽店
本來在一棵榕樹下經營小雜貨店的楊哥楊嫂，因看到工人的辛勞而泛起憐愛關懷之心，啟發他們包起粽子以讓他們裹腹，一串串吊在榕樹上的粽子亦被為「樹頭仔肉粽」，場面壯觀。肉粽由粽葉折成碗狀，再加入生糯米、香菇、肉塊及鴨蛋黃等豐富材料造成粽子，適合一家大小。
▲ 精緻肉粽
依莉詩小食評：肉粽比起平時廣東人食的鹹肉粽有少少唔同，沒有了紅、綠豆，所以糯米比較多，因此比較粘。幸好肉粽的 size 不大，已經用料豐富，唔會太膩，一次可以食到一隻。
美味指數：★★★☆☆
▲ 肉粽的餡料豐富，非常香口。
台南街頭小食節@荷里活廣場
日期： 4月30日至5月2日 (中午12 時至晚上7時、下午1時開始 美食換領)
地點： 鑽石山荷里活廣場一樓明星廣場
分享到 :
最新影片
