係時候訂啦！情人節 10款情人蛋糕

仲有幾日就情人節，雖然話今年情人節係星期日，可以慳番筆唔洗訂花，不過就更加要及早安排好全日的節目。今日就提提大大家，為免女友無得放相上 ig 放閃，係時候訂定蛋糕啦！

1) 「#NAUGHTY」  — 綠茶慕絲蛋糕

小編的首選係呢個命叫 #NAUGHTY 的蛋糕，貪佢唔太貴，但又可以影下相。呢款蛋糕由濃濃的綠茶慕絲同多層朱古力海綿蛋糕製成，再淋上香濃朱古力醬同放上朱古力脆脆裝飾，外表雖然無粉紅色咁 pink 咁 sweet ，不過對我呢個抹茶控嚟講就好夠綠茶味，食落苦苦澀澀，好有單戀的味道。咪睇佢糕仔細細，因為佢夠晒高，兩個人食一半已經飽晒！

售價：$98/個
供應期：由1月28日起開始發售
銷售點：美心西餅 (2743 3311)

2) 「#WILD」  — 辣味朱古力慕絲

單睇 #WILD  就已經覺得佢熱情如火，入面仲要係甜中帶微辣的辣味朱古力慕絲夾著朱古力海綿蛋糕，味道應該好特別，就好像你的澎湃愛意。可惜佢上面的紅色朱古力片好易斷，本來我揀咗呢個蛋糕嚟試，可以佢斷咗幾條影出嚟唔靚，所以無揀到。

售價：$98/個
供應期：由1月28日起開始發售
銷售點：美心西餅 (2743 3311)

3) 「Lock U Up」  — 情侶蛋糕套餐

有時買咗個蛋糕都唔知係邊食好，呢個 Lock U Up 情侶蛋糕套餐包括 2 件自選口味的 Lock your Heart 蛋糕、2 杯特色飲品、2 張心意卡同一張即影即有相片，唔單止可以坐底慢慢食，仲可以寫上對對方的心意。Lock your Heart 蛋糕外型似個鎖，上面寫上 LOVE HIM 或者 LOVE HER 的字樣，有藍莓芝士、芒果慕思、青檸奶凍同無花果芝士味選擇，海綿蛋糕同慕絲間夾雜著生果粒粒，逐層逐層打開對方的心。

售價：$158 (包括 2 件自選口味的 Lock your Heart 蛋糕、2 杯特色飲品、2 張心意卡及一張即影即有相片)
供應期：即日起至 2 月29 日
銷售點：Pantry Bread & Pastries (灣仔店 2577 3898/九龍城店 2577 3939)

心形蛋糕就最直接表達到你的愛意。心型紅絲絨蛋糕上的玫瑰高貴優雅，入面配以白朱古力慕絲、紅桑子啫喱及朱古力薄脆，酸酸甜甜，食完一定甜甜蜜蜜。

7)「瑰白‧約定」— 日本白草莓慕絲蛋白蛋糕

同樣係士多啤梨蛋糕，不過呢個蛋糕就以稀有的日本白草莓製成。上面每一粒都係心型，且呈淡淡粉紅，豐盈多汁、清甜細緻，嚐後隱約透出微酸餘韻。加上牛奶慕絲及輕盈蛋白蛋糕，啖啖珍貴，令人陶醉。

售價：$438/個
供應期：由2月2日至2月15日
銷售點：arome 東海堂(2739 1328)

8) 「浪漫花語」－ 榛子脆脆特濃朱古力蛋糕

蛋糕未必要係蛋糕樣，亦可以係成盆花咁，一次過滿足女朋友收花又收蛋糕的願望。單係上面的玫瑰花同葉就要人手整好耐，而以白朱古力製成的花盆盛滿橙酒朱古力蛋糕，中間夾著由 70%意大利朱古力 AMEDEI 製成的 朱古力軟心同君度香橙醬及榛子脆脆，多層口感。

售價：$560/個
供應期：2016年2月1日至2月14日(需於3天前預訂)
銷售點：帝京餅店(2622 6256)

9) 「珍。愛」－ Regular Size 雪糕蛋糕

除了食得的玫瑰，保鮮花亦是今年大熱的情人節禮物，呢套情人節限量套裝，不但有一個命為「珍。愛」的雪糕蛋糕，更配有 Le’Sean Seasons Florist 紅色保鮮玫瑰花一盒，等你暗示俾佢知，佢就好似小王子中那朵紅玫瑰花一樣獨一無二。雖然依家介紹可以有 D 遲，不過「珍。愛」雪糕蛋糕可以散買，紅色心型的蛋糕主體中央繫上了一條刻有「cherish love」的白色絲帶及兩顆經雕畫而成的心，兩心交纏，演繹出熾熱而真致的愛。

售價：$580 (每套包括「珍。愛」雪糕蛋糕 (Regular Size) 一個及盒裝LE SEAN保鮮玫瑰花一份)
供應期：1月26日至2月4日接受預訂 (2月6月至2月14日換領)
銷售點：Häagen-Dazs 雪糕專門店 (2629 6116)

10)「Blossoms」－ 紅絲絨蛋糕

最後介紹的亦是最貴的一個，雖然我未食過，不過單睇蛋糕上的朵朵櫻花，花蕾與花枝的精緻賣相，已經感覺其矜貴所在。紅絲絨蛋糕間夾著酸甜的果醬同玫瑰花瓣，散發陣陣花香。

售價：$780
供應期：需於2天前預訂
銷售點：Ms. B’s Cakery (2815 8303)