常言道，氹得到女神開心，兵仔都升做大將軍。但係僧多粥少，喺咁多隻仔點樣可以突圍而出呢？送花？做手工？統統都唔係，女神需要嘅，係一份隨傳隨到嘅安全感，當你做到呢一點，距離成為男神不遠矣。點先可以有呢份安全感呢？好簡單，今日 Unwire 將會教你點用 MOMAX 三款新嘅充電產品去奪取女神芳心啦。
充電篇：高貴大方似銀包 iPower Elite+ 流動電源
身為專業嘅兵仔，除咗識整電腦之外，隨身攜帶一個滿電嘅「尿袋」都非常重要。 當女神問一句，「我電話就快無電喇，到底邊款 Powerbank 至啱我？ 」呢個時候，你拎住個 MOMAX iPower Elite+ 流動電源，就馬上吸引到女神嘅注意力。
快、靚、正，外置「尿袋」三大要素
點解？事關佢配備咗 QC 2.0 (Quick Charge 2.0) 快速充電技術，只需 30 分鐘就可以叉到 60% 嘅電，女神就可以快啲用返電話自拍靚相啦！加上佢高貴大方嘅外型，望落去仲以為係銀包，絕對係同女神身份相符。當其他兵仔拎咗佢哋充滿金屬感嘅充電器，而你有一個高貴大方嘅充電器，邊個勁啲都高下立見啦！
▲充好電，女神想繼續瘋狂自拍都無難度！
迷你牛仔？MOMAX U. Bull QC2.0 充電器
當關係更進一步時，可能女神有啲嘢都會問吓你意見。有一日，女神話佢想買返個充電器放係屋企用，一般跟機個啲又毫無特色，完全突顯唔到女神嘅可愛性格。呢款 U.Bull 叉電器，外型好似牛牛咁得意，又同樣有QC 2.0 快速充電技術，叉得快之餘，配合佢哋嘅 1-Take USB 輸出口，正反可插就算夜媽媽都唔使怕搵唔啱方向叉電嘛！
▲ 一個普通嘅插頭加上咁得意嘅外殼，咁 cute 一定啱晒女神性格。
可換插頭 去旅行亦可用
除咗叉得快又得意，其實可以帶埋佢去旅行都得。點解？全因為佢可以換插頭，咁就可以帶埋佢周遊列國啦！佢翹起嘅牛角，仲可以用嚟繞住條線，咁就夠晒整齊，拎出嚟叉電唔使解嚟解去都解唔到啦。
▲配有不同插頭，去旅行用又得，係屋企用又得。
▲佢牛角個位原來係俾人將啲線繞好啲，等大家都唔使條線打 kick / 飛嚟飛去，方便又整齊。
MOMAX Top 系列車廂充電器 任何一邊都插到
上面兩個情況如果你都準備好，相信已經令你喺女神心目中形象大為提升，但係假如有一日你哋去街街，你揸車接送女神，要點樣先可以再令你變得更型呢？
身為大將軍，如果要時時刻刻電力十足，用埋 MOMAX Top 系列嘅車廂充電器就夠晒穩陣，因為佢亦都配備 QC 2.0 快速充電，而且佢仲有黑色同金色揀，成熟同穏重嘅配色，表達出你嘅魅力。重要嘅係，佢獨有 1-Take USB 輸出口設計，USB 無論正面反面，都一樣可以插入去。揸緊車嘅時候就唔使分心去搵邊一邊先啱，又增加咗安全感，又有型，相信好快就可以由大將軍升格做男神喇！
快充小提示
正所謂「一隻手掌拍唔響」，有個叉得好快嘅叉電器，但係無一條支援到咁快速度嘅線，咁咪即係得物無所用？要啟動快充功能，一定要有條過到 data 嘅充電線，MOMAX 的線材系列長短兼備，充到電又過到 data，非常切合用家需要。
識得揀充電產品 隨時幫你步兵變男神
所以話，一個兵仔識得揀好嘅充電產品，就好容易贏到女神芳心，真係往往事半功倍，邊個話識得充電產品就一定係毒男呢？而家啲充電產品都可以好型架！
即刻睇下游學修點樣為你示範！
查詢：2402 3186 (MOMAX)
Taylor 服裝：www.carousel.tw
Taylor Makeup：
FB: Tay Eyre In Beauty
https://m.facebook.com/TayEyre
分享到 :
最新影片
