數數手指《Age of Empires II》原來已經推出超過 16 年，雖然已經算得上是一款舊 game，但官方卻一直都有 keep 住推出 HD 版及更新內容。至於今日其最新資料片「The African Kingdoms」亦終於正式推出，相信應該能吸引到一眾《AOE》迷再次重投其懷抱吧？
今次「The African Kingdoms」新增的內容其實都算份量十足，因為首先當中會加入四個新文明，分別為 Berbers（柏柏爾）、Malians（馬里）、Ethiopians（埃塞俄比亞）及 Portuguese（葡萄牙），每個新文明都會有不同的優點、技術、兵種及船隻可供使用。至於劇情方面亦同樣增加了 4 個，包括有 Tariq ibn Ziyad、Sundjata、Francisco de Almeida 及 Yodit。
除此之外，新資料片亦會加入 10 個特殊版圖、8 個真實世界版圖、5 個隨機版圖及 10 種新地形，並會有突然死亡模式、平衡度修正及改善電腦 AI 性能等多項改動。目前 「The African Kingdoms」已於 Steam 上推出，原價 75 港元，但現時會以八折 60 港元發售，不知大家又會否有興趣買回來玩玩呢？
來源：Forgotten Empires
分享到 :
最新影片
