唔知大家有冇試過幫 Apple Watch 充電時，磁石充電扣差差下甩咗，搞到第朝起身先發覺根本無乜差過電，結果要返到公司先差得電？如果唔想差電個時咁容易甩，又想有個靚靚擺設放係檯，今次介紹呢款 thecoopidea Mount Apple Watch 錶座就最啱大家，尤其是女士們了！
點都 mount 得住！
thecoopidea Mount Apple Watch 錶座相比就咁用條差電線差住嘅好處，係點都可以 mount 得住隻 Apple Watch，因為佢會固定住 Apple Watch 充電線同埋充電頭，然後將隻 Apple Watch 平放係充電頭位置，就 ok 了，安裝簡單使用亦容易，而且無論錶帶係鬆開定係緊扣，都一樣 mount 得住。
▲固定住充電頭同埋充電線，然後將 Apple Watch 平放係上面就 OK 了。
▲無論錶帶係緊扣定係鬆開都一樣可以好穩陣咁幫 Apple Watch 充電。
收納線材話咁易！當埋手機座一物二用
Apple Watch 的充電線寧舍長，對於放係檯面充電的用家來講，有時真係唔知點樣收納起條線。thecoopidea 呢款錶座就採用中空設計，大家只要將多餘的充電線塞入錶座中間就可以了；而且座背設有一個小洞，可以俾充電線走出來，唔驚影響錶座放係檯面放得唔平，設計好體貼。
▲採用中空設計，可以將多餘的線收係入面。
▲背後仲有個小洞，可以攝實條線。
▲將隻 Apple Watch 放係上面，如果用家有開「夜光模式」，仲會自動變身夜光鬧鐘添！
▲其實最體貼係錶座設有一個斜位，可以穩固將 iPhone 橫放係錶座，方便同時充電，又或者當做手機座睇戲或者睇網頁呢！
▲thecoopidea 仲隨座附送綠色防滑墊一塊，既可防止錶座移動，當放 iPhone 係錶座旁時，亦可以固定 iPhone 以免檯面太滑而滑下來。
▲女仔最啱自然係 shocking pink，但亦有粉藍色、鮮黃色同埋灰色俾大家選擇呢！
售價：$149
查詢：Towervision（2553 1151）
分享到 :
最新影片
