就黎又到 weekend 啦，今個週末想做下「偽文青」既話就一定唔可以錯過呢個係 PMQ The Qube 舉辦既《俄羅斯 夢·幻之旅》，當中會展出超過十五幅來自俄羅斯特列季亞夫畫廊既名畫，而且仲係免費入場。今個展覽並唔係單純將名畫展出，而有加入其他元素，包保唔會悶親你。想知係咩？拉落去睇啦！
呢個展覽既特別之處在於佢會利用 3D 技術放係投影片中，就好似用放大鏡去睇幅名畫咁，會逐個逐個細節去 zoom ，加上一啲配樂例如俄羅斯民歌，其實比起一般睇畫展更容易投入到個環境氣氛當中。據知成個 3D version 名畫就要用一 team 人兩個月去整，聽落唔長，原來都幾花心機架。首先要做好 3D graph ，又要搵一啲畫家複雜名畫中細節既放大版，然後要做返個 3D model ，最後砌埋音樂先完成，只係呢份心機就好值得去睇下啦。
其實一路以黎香港都好少俄國既藝術品展出，而今次呢個多媒體藝術展覽其實就係為我地香港呢個 High Tech 城市所特別製作，目的就係希望以有趣生動既方式帶俾觀眾知俄羅斯既慶典﹑ 日常生活﹑ 史詩﹑ 神話以及各類景觀等。
而小編同畫廊總監一樣，係十五幅裡面最鍾意就係呢幅由亞里斯塔克·連圖洛夫所畫既「漂亮的瓦西里」。佢最色彩繽紛，而且用三百六十度去呈現畫中既聖瓦西里主教座堂，靈活咁運用色彩同形態，非常夢幻同 eye-catching 。
展期： 2015 年 6 月 27 日 (星期六) 至 2015 年 7 月 5 日 (星期日)
時間： 星期日至四 – 上午 11 時至下午 8 時 星期五及六 – 上午 11 時至下午 9 時
地點：中環鴨巴甸街 35 號元創方 The Qube (免費入場)
分享到 :
最新影片
