「當你真心渴望某樣東西時，整個宇宙都會聯合起來幫助你完成。」
The Alchemist, Paul Coelho
當我得知老細請我的時候，我再一次覺得 Paul Coelho 的話很準。
我好記得，在數碼港上班的第一天，我問：「公司有幾多人？」 同事答：「一眼見晒，連埋你4個。」
4 個？！真係架？！
我不能相信的原因是 office 很大，而工作人員只有 4 個，即每人平均有成 1000 呎(?!)工作空間。我開頭還以為同事說笑，以為有些同事出外開會 etc… 原來公司條 team 比一個大學學會還要小，不計老細，我們 3 個同事，已經係公司的行政部、會計部、市場營業部、企業發展部、公關部、設計部… 人人 multi-tasking，周身刀，好犀利，老細話，我地一畢業就可以有咁 intensive 的訓練，將來就會好打得。反正我信了，於是乎，我如願以償，進駐數碼港，係良好的工作環境之中開展新工作。
工作初期，因為公司係 open office，我就是坐喺門口嘅招財貓，坐咗幾日，已經發現數碼港是港女的天堂（因為聽講港女很喜歡食洋腸廣交異國朋友）。點解有咁多外國人？除了因為數碼港提供培育計劃讓 Start up 公司可以立足香港，亦基於歷史原因，圍繞數碼港有多個豪宅（上星期經過地產門口，發現附近最平的樓盤，用我現時的人工去計，全份糧供樓，我要供超過 200 年，哈哈哈…），還有一間國際學校。遍遠地區＋豪宅＋國際學校＝外國人聚集地區。
根據觀察，朝早9 至 11 最多係外國師奶，湊住幾個未使返學的外星 bb，係咖啡店「飲早茶」，我稱之為育嬰時段，因為外星 bb 好鍾意 fing 下fing 下入黎 office 搗亂玩伏匿匿，咁姐姐我梗係要循循善誘帶返佢俾媽媽啦，係呀係呀，佢地媽媽唔會理個剛剛識行的外星 bb 架，我諗係因為佢地覺得數碼港好安全掛，所以朝早我咪當幫下手湊仔囉。
▲每日四五點的時候，放學時間，仲會有一班學生哥嚟幫襯。
跟住 lunch 時間就開始見到咖啡店s 有異國朋友s 大排長龍，嘆杯perfect池的咖啡；完左 lunch 的下午直至放工，兩點至六點就係獵人時間， 時不時會有異國朋友s 經過入黎 office 傾下計，呢個時候我通常會由 Operation Team 化身 PR Team/Business Development Team，幫公司擴大網絡同時搵生意，艷遇黎講，其實唔難（掩面）。到左 6 點後的貓頭鷹時段，如要捕獲野生異國朋友，可以出去草地，不過運氣需求較高，而且夜晚數碼港好多時真係鬼影唔多，建議早啲放工，搭巴士落 LKF 好過。
快樂不知時日過，屈指一算，原來在數碼港差不多快年半了，而家唔使成日做招財貓，退居幕後，過返啲低調的工作生活，但原來低調的生活都可以有好多 exposure，下星期再講。
分享到 :
最新影片
