今時今日，要打機，不一定要買什麼 PXP、3XS，其實唔少手機 game 都幾好玩，有些畫面仲可以媲美手提遊戲機呢！不過要打機打得暢順，好多人都覺得 5、6 千蚊的旗艦機先至夠暢順，2、3 千蚊的中價機，效果未必好。今日 HUAWEI 就在香港發佈 Honor 6，用上八核處理器，加上有 3GB RAM，用起來 Edward 也高呼「打機超爽」！以下有更多資料：
手感不錯大細剛剛好
Honor 6 是一部 5 吋熒幕的中價手機，機身厚度大約 7.5mm，重量約 130g，唔算特別輕薄，但它的邊框只有 2.86mm，機面熒幕佔了 75.7% 比例，所以作為男人將它拿上手，感覺就是「剛剛好」，不會太大不會太細，剛剛「一手掌握」，亦可以舒服以單手操控，對於追求大芒及單手操控之間平衡的用家來說，應該會覺得 HUAWEI Honor 6 是其中一部好選擇。
▲單手操控 Edward 表示無難度！
▲機背採用玻璃面，說實在有點像 iPhone 4 / 4S。
▲機身算薄，所有按鍵（音量鍵及開關鍵）均設在機身右側。
▲內置喇叭在機背左下角。
港版只支援單卡 4G
在大陸，早前其實已推出了 Honor 6 聯通版，亦有少量水貨流入香港，支援 4G + GSM 雙卡雙待雙通功能，但港版的 Honor 6，就抽起了雙卡雙待雙通功能，只保留單卡 4G 網絡，對於一般用家來講，影響不算太大；但對於需要經常中港兩地跑的用家而言，就少了一個吸引點了。幸好它仍然支援 LTE-FDD 及 TD-LTE 兩個 4G 模組，亦支援 800/1800/2100/2600MHz（LTE-FDD）2500MHz（TD-LTE）頻譜，在中價手機來講，算是夠用了。
值得一提的是，它亦是首部支援 LTE Cat 6 的手機，4G 數據下載理論速度可達 300Mbps，但香港暫時未有一間網絡商能支援此網速，就算有亦仍是測試階段，這項新功能，唯有寄望網絡商為 4G 網絡提速時，大家才可享受得到了。
▲用 OFCA 測網速 APP，可見用 csl. 4G 網絡，上、下載速度都超過 20Mbps，算是唔錯。
相關文章:
受保護的文章：Draft: 【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介
邊個話中價手機打唔到機？
很多人會覺得，手機以二千零蚊發售，要求很難像旗艦手機般高吧，至少鐘意玩手機遊戲的朋友，會覺得玩玩 Candy Crush、LINE Rangers 這類不須太耗 RAM 及圖像處理效能的遊戲還可接受，但如果玩對圖像效能要求較高的遊戲，例如：Asphalt 8 這類賽車遊戲時，很多人相信都唔會有太高期望吧。不過今次這部 Honor 6 就例外，因為它用上了全新的 HiSilicon Kirin 920 八核心處理器，它採用了 big.LITTLE 架構，入面有 A15 架構的 1.7GHz 四核心處理器及 A7 架構的 1.3GHz 四核心處理器，可以按用家應用情況，隨時組合及調度處理器資源，就算遇上需要頗高圖像處理的畫面，它可以按需要獨立開關每一個核心，配合 Mali T628MP4 圖像處理晶片及 3GB RAM，就算小編玩 Asphalt 8 的時候，也十分暢順之餘，機背亦只是出現微溫情況，可以接受。有了這個規格，邊個仲敢話中價手機打唔到靚畫面的遊戲？
▲用安兔兔評測及 3DMark 的 Ice Storm Unlimited 測試，分別獲得 40,328 分及 12,395 分，理論上打機方面，就算玩對圖像處理要求較高的遊戲，應該都無問題。
唔信？睇睇下面小編的試玩影片大家就知道了。（希望大家體諒一下，小編的駕駛技術實在麻麻，雖然最終都拿到第一……）
熒幕質素不錯可視角度高
正如有些人會覺得中價手機不能打機，也有些人覺得中價手機會「將貨就價」，熒幕質素會相應下降。今次 HUAWEI 的 Honor 6 小編試玩後就覺得不是這情況，它雖然仍然用上 5 吋 1080p 解像度熒幕，但它採用了 LTPS 技術，加上 445ppi 細緻度、熒幕調節功能及 CE 色彩增強技術，令小編無論是睇網頁還是追劇，都有唔錯的顯示質素及細緻度，尤其是睇桌面版網頁時，就算不用放大熒幕顯示，都可以睇到細字。另外，它的可視角度十分高，就算從熒幕任何一邊睇，都唔見有偏色、反白的情況出現，就算兩、三個朋友排排坐睇片，坐在側邊的朋友都一樣可以欣賞到高質素的熒幕顯示哩！
▲睇網頁，唔洗放大都可以睇到細字。
▲用來睇 Unwire TV 自然夠哂清啦！
▲無論從哪個角度睇 Honor 6 的熒幕，都有唔錯的可視角度，未見有反白或偏色的情況。
1,300 萬像素 Sony BSI 鏡頭 + 500 萬前置美顏鏡頭質素不錯
時下唔少人鐘意玩 selfie，女生們更是最愛，所以手機就算是中價機，影相功能唔少都比之前的機款大幅強化，就好像 Honor 6 般，它的主鏡頭就採用了 1,300 萬像素 Sony BSI 背照式感光元件，而且採用了 5 層非球面鏡頭，光圈亦有 F/2.0，無論影人還是影景，都有唔錯的表現。至於前置自拍鏡頭，都有 500 萬像素，而且設有 10 級美顏模式，最適合女生用來玩 selfie！小編都在現場找模特兒試過，連佢都話唔錯！值得一提的是，它的前鏡頭可拍攝最大 88 度的視角，就算唔用自拍神棍，都可以輕鬆影到 selfie 大合照哩！
試相區
▲主鏡頭人像拍攝，室內，無用閃光燈，足夠光源
▲前置鏡頭人像拍攝，室內，使用 5 級美顏功能
▲主鏡頭室內拍攝，無用閃光燈，足夠光源
▲主鏡頭室內近攝，無用閃光燈，高反差光源
▲主鏡頭室內拍攝，有用閃光燈，超低光源
用足一日無問題
最後，相信唔少朋友會關心的，就是電量，始終手機效能再勁，如果用幾個鐘就要插「尿袋」，就認真無癮。Honor 6 細小的機身內，原來已經內置了 3,100mAh 大容量電池，小編試玩過，正常使用情況下，用上一天基本上問題唔大。它內置更提供了 HUAWEI 的智能省電軟件，用了它可以令續航力提升 3 成，據官方表示，「慳慳地」隨時可以用足兩日！另外，佢同 Sony Xperia、Samsung GALAXY 的旗艦手機一樣，都內置了超級省電模式，即使剩低只有 10% 電量，都可以待機 24 小時，就算身處難以為手機充電的環境，都可以維持手機基本運作。
▲它更內置熒幕省電功能，開啟了它之後會重啟手機一次，官方指它可能會稍微降低熒幕顯示質素（雖然 Edward 肉眼睇起來分別唔大），但可以延長手機使用時間 20%（不過小編見到使用時間只是多了幾分鐘而已……）、降低手機運作溫度及提升系統效能。
值得一提的是，如果身邊朋友的手機唔夠電，而你的 Honor 6 又有電剩，只要另購一條 USB OTG 接駁線，就可以接駁朋友的手機作反向充電！這功能以往在平板才較常見，手機確實不多，有了呢樣功能，你身邊的朋友都會覺得你體貼哩！
相關文章:
受保護的文章：Draft: 【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介
Edward：「打機超爽！」
其實就算好像 Edward 這類每年接觸無數手機的記者，未試玩 HUAWEI Honor 6 時，也對中價手機有一定的「偏見」：認為售價便宜，多數也是將貨就價，表現肯定沒有旗艦手機那麼好。但試玩過它後，實在令小編對中價手機的印象大幅改觀！尤其是中價手機有 3GB RAM，對於不習慣手動 close APP 的用家（例如小編就是活生生的例子），實在是十分體貼的配備！而且它內置的軟件唔算太多，一開機時都有接近 2.2GB RAM 可用，Edward 覺得甚至比唔少旗艦手機還要慷慨哩！
老實，$2,580 這個售價，能有 4G、靚芒、八核打機效能、3GB RAM、唔錯的鏡頭、足夠一日以上的續航力等等的優點，確實是性價比超高的選擇！莫講話拿佢做 2nd phone，就算當做主力機，Edward 覺得都足夠有餘呢！唯一美中不足的，就是它的 microSD 記憶卡，最高只支援至 32GB，Edward 試過將 64GB 記憶卡插進去，會導致手機不停 reboot！這一點確實有點可惜，如果 Honor 6 能支援 64GB 或以上容量的記憶卡，相信會更為完美。
▲一開機可見有接近 2.2GB RAM 可用，此表現比唔少旗艦機仲要好！
[divider]
HUAWEI Honor 6 重點規格一覽：
作業系統：Android 4.4.2 KitKat
處理器：HiSilicon Kirin 920 八核心處理器（4 x A15 1.7GHz + 4 x A7 1.3GHz）
熒幕：1080 x 1920 pixels、5 吋 FullHD LTPS
記憶體：3GB
主鏡頭：1,300 萬像素 Sony BSI 鏡頭，光圈 F/2.0
前置相機：500 萬像素
儲存空間：16GB + MicroSD（最高支援 32GB）
電池：3,100mAh (內置電)
網絡支援：4G LTE (LTE-FDD + TD-LTE；最高支援 Cat 6) + HSPA+ (3G)
售價：$2,580
查詢：HUAWEI（3791 2856）
相關文章:
受保護的文章：Draft: 【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介
分享到 :
最新影片
