香港國際秋季燈飾展將於下星期 27/10 起在香港會議展覽中心舉行，之前記者會除了介紹展覽細節，現場還展出了多個參展商的新產品，其中一間 Nanoleaf 連「誠哥」都有份投資，究竟這個 LED 燈膽有咩特別之處呢？（以下有更多資料。）
唔洗遙控！開關調光暗
LED 燈膽成街都係，如果唔係「誠哥」或許大家都未聽過 Nanoleaf，其實它們的 LED 燈膽外國已經有售。這次展出的為第二代「Bloom」，外表同之前「One」一樣用了「五角形」砌圖設計，每面都有 3 顆 LED 令光源更平均，而 Bloom 正正多了光暗調節功能，特別之處是毋須遙控輔助，單靠開關就可調節亮度。方法是亮燈後快速關掉再開，然後燈膽會照常亮起但會慢慢調暗，只要在適合亮度再快速關掉再開，燈膽就會保持剛才亮度。雖然聽落有點複雜，但設計好處是無須改裝「燈制」都可調光暗。
稍後登陸香港！
雖然設計好方便，但小編都忍唔住問 Jonathan「咁開關，會唔會好易壞架？」他答我「唔會」，因為它們線路都經特別設計，唔會好似一般燈膽咁易壞。至於 Bloom 要調節功能，原因是我們的 LED 燈膽流明度非常高，用電量亦較低，但這不代表所有環境要需要最強光度，因此有光暗調節就增強了使用彈性，而售價亦比「One」僅貴 US$5 即 US$40（約 HK$310.2），暫時有 10w（1200 流明） 及 12w（1600 流明）兩個版本。此外， Jonathan 亦透露 Nanoleaf 產品將會稍後在港出售。
分享到 :
最新影片
