人類自私，連可愛的企鵝不也例外？有遊客投訴海洋公園新開張的冰極天地展館太冷，相信各位聽後覺得投訴人無理取閙，好比去看冰雕時投訴太冷般的可笑，但你們明白為甚麼冰雕展覽沒有人去投訴呢?
是因為我們從小就懂得冰雪必需在極寒氣溫下才能產生，一些生於寒冷地區的小朋友，就算不用特地去教也懂得從生活上觀察得到。由於已成眾人的基本常識，因此不會有人投訴，投訴的話就等同告訴別人自己是無知的。
回看這個案件，海洋公園每天照顧著不同國家的遊客，未必每個人民，都像我們般幸運，受惠於政府的免費教育下，從學習中認識到「企鵝需要在寒冷中生活、現時北極沒有企鵝」等的知識，或許他們不明白館內的氣溫是為企鵝而設，自不然就向自身利益出發，投訴館內冷氣開得「太凍」。雖然不知道那國人在投訴，但責任不在遊客或觀眾。
因此筆者建議，海洋公園就在遊客進場前，先講解企鵝的生態需求，以及館內使用半開空式的設計，遊客跟企鵝同室共處，並清楚地指引披肩可供借用，避免不必要的投訴。
做足一點的話，最好在入口時一併提醒遊客，不論成人或小童，隨處大小二便是不容許的，因為未必每個人都認知到這是不文明的做法。
參考資料 :
http://www.881903.com/page/zh-tw/newsdetail.aspx?ItemId=537064
分享到 :
最新影片
唔明關IT科技咩事
仲要只係純吹水，係人都吹到，毫不專業
只係為抽水而抽水, 仲要後面加句不能大小”二”便同這單新聞無關既事..咪.住…… 幾時二便變左”異”便.. HAHA 睇來果然文化上有番咁上下, 先寫得有番咁上下既文章..
企鵝都打錯~!!!企餓~!!!
入錢入海洋公園嘅人，連啲咁基本嘅常識都冇！？
或者只係無理取鬧！
討論還請對題！成日針對無關痛癢嘅小錯嚟抽水，
喺我眼中都唔見得有幾好！
打錯字十分平常，有時稍一分神都會打咗同音異字，
尤其倉頡，因沒有選擇過程，少了較對的機會！
倉頡先唔會打錯字，我都係用倉頡。明明倉頡係捉字碼而唔係捉個音，又何來會打錯同音字？除非你根本唔識要打果個字啦。
講得好!
咁不如用手寫版啦
每隻字都要確認佢有冇認錯
夠多「校對」機會喇掛
打錯字雖然係好平常
但係唔應該歸咎於輸入法
另外為左唔打錯字而用需要選字既輸入法
將倉頡一般唔需要選字、直接成字既優點作錯字既原因
完全係本末倒置
唔知你將「較對」作「校對」
係唔係因為用倉頡呢?
P.S.以上文字係用倉頡打既
利益申報：我有PROOFREAD過先POST
咁無溪（無知？）嘅指控，相信只有好強盛嗰個國家嘅人民先做得出…….
飲熱咖啡辣親個咀 之後走去告人地好俾杯會辣親咀嘅野人地飲 呢d係咪樓上所指”好強盛嗰個國家嘅人民”呢? 上網搵下係咩人告老M啦 真係強到乜到話人囉
強烈要求要網主邀請呢度既捉錯字達人O係每次出稿前幫助校對一次
自己寫得出來, POST 出來, 就預左有人話.. 如果小編咁都容唔到, 咁佢寫這編文就係自打嘴巴囉..老米兄, 又是否要要求小編去海洋公園親自教育一番佢所講既無文化人呢..
讚同筆者，海洋公園在館設計上忘記要計埋人對温度偏差的適應。
“”未必每個人民，都像我們般幸運，受惠於政府的免費教育下””
我睇得出香港o既教育越來越唔掂了~~d 學生連母語中文都搞成咁
如果人無知低智…講佢都唔會聽亦唔明
如果人有自知…便會自己主動去尋根
如果人不自私…世界就沒有那麼多問題
…
如果入場的人無知到要人話佢知….咁…係香港養雪橇狗的人大熱天時仲去放狗的….那是什麼?? 又是誰的責任??
海洋公園仲要負責教育遊客？你唔叫入境處係關口對遊客講解下來香港要排隊，地鐵車廂唔好大小便！拜托唔好咁無聊啦，打開門做生意，你中意就來唔中意燃就。反正我情願D白痴仔少D，我哋去起碼唔洗同D人逼
其實雖然海洋公園大受歡迎及賺大錢，但係無錯，海洋公園一向以教育遊客為目標，所以教育遊客認識企鵝係好正常。海洋公園係非牟利機構，而機構成立目標係要保育海洋生物。保育當然涉及大量既教育，令我地明白海洋生物既生活環境、面對既威脅等等都係海洋公園既目標。門口亦有保育基金捐款處，我每次去都會捐錢。下次去海洋公園，除左玩機動遊戲，多d 留意海洋生態，讀下公園內各展館既文章，多認識海洋生物及頻危品種，為環保及保育出一分力。
寫條友都要諗下實際情況同可行性，實際作用啦，不必要既投訴就係不必要，所以根本唔需要避免，因為幾誇張既投訴D人都可以投訴，例如點解咁多人，點解咁熱
某強國人：我為何要用這件鬼東西(指披肩)，都不知有誰用過。把溫度提高一點就好，別讓我小孩生病！我有的是錢，難道還解決不了？叫你館長來跟我說話。(設計對白)
強國人應該係叫領導
“但責任不在遊客或觀眾”? 個筆者低能ga?
民x聯成功爭取企鵝有暖水涼
錯不在人錯在樓主
我要鄭重投訴寫呢段文章的作者將愚昧同無知宣揚，我舉個例，將地溝油混入食物中，我地能否以無知去做藉口去安撫食客？這是甚麼狗屁道理？唔知就應該產生疑問，有求真的意識，而唔係以自己的人生經歷作唯一的參考。若渣車慣了右上左落，去到左上右落的地方撞死人，能否以無知作抗辯理由？你無知就要全世界圍住你轉？無知大叉晒？無知唔識去了解左先做？
留意網址 /what-a-joke/
” 人類自私，連可愛的企鵝不也例外？ ” 意思即係連企鵝都自私？