Diablo 3推出不到兩個月，多次的改版令不滿的玩家增加。在一項遊戲玩家的統計數字上更見到，玩家愈來愈少，反而舊遊戲World of WarCraft則回勇，每位玩家所花的遊戲時間比起Diablo 3更多。
被視為近十年來的經典大作Diablo 3，自推出以來玩家對其遊戲性好壞參半，任務少難度飄忽，改版後更大幅降低可玩性，可得到的金幣數目大減，但維修費用貴上數倍，令不少玩家放棄。在最新的統計數字上看到，Diablo 3初推出時玩家所花的遊戲時間曾高達142,620小時，之後不斷下滑，到了6月13至14日的1.0.3改版後跌到60,883小時新低，其後回升了數天至日前只有57,189小時，總玩家為15,930人，即每人每日只花約3.59小時在此遊戲上。相比起另一經典大作World of WarCraft，推出近八年仍然受歡迎。在5月25日時雖然只有36,129小時總遊戲時間，但到了日前已回升至48,857小時，以總共11,688名玩家去計算，每名玩家所花時間為4.18小時，比起Diablo 3要好得多。以下左邊圖表是Diablo 3，大家可以自行比較。
雖然未有資料見到初推出時的玩家數目，未能知道是玩家數目還是每位玩家的遊戲時間少了，但可以確定Diablo 3的受歡迎程度大減。而Amazon上的評分更在滿分5星下只有2.3星，1星更佔大多數有1,229名。另外有玩家就將此數據貼上官方網站，但隨即被管理員移除貼文，可以見到官方也不願見到此事實。據聞未來推出的改版升級還會將爆擊百份比減低，就像1.0.3升級攻速被減半一樣，以平衡遊戲生態。但陰謀論則認為，此舉只是他們希望更多人用拍賣場買高攻速武器，最好是用他們的玩金拍賣場做買賣，這樣下去，不知道還會有多少玩家繼續下去呢？
分享到 :
最新影片
@@ 我都有好多朋友而家冇玩嚕
改到咁, 迫人用真$買裝….痴痴地…
我個人認為好多人玩diablo 3係人玩我玩，自然難少少就唔玩，我用wizard成日都死啦
遊戲係講技巧，無論佢改版幾多次都唔影響玩既情緒，亦唔會用現金買任何道具
問題係幾有技巧都好, 你入到煉獄, 你唔換勁裝, 你根本就無得打, 但D 勁裝點來? 原本大家好地地咁玩.. 都仲OK, 但你突然咁改版, 令到之前果班一早打高LEVEL, 日日以打機賣裝為主既職業打手同平民打手既裝同中間既錢差距突然拉大左.. 你去拍賣場睇下就知, 之前明明幾萬既裝, 突然變左要十幾萬先買到… 但現在打既錢又少左, 維修費又多左.. 咁點玩呢..係啊.. 我D 由第二集開始人打我打既人.. 要咁樣慢慢打完又打同一D 關來磨錢, 真係玩到無鬼癮, 我已經返左去玩番STAR CRAFT 算, 因為我打機都係求開心,同班FRIEND 一齊FUN, 而唔係來等間GAME 公司不停咁改版來令到你玩到無癮之餘仲要自我安慰一番….
我既裝都係打同遊戲幣買返黎，冇人叫你買幾百萬既裝wor, 幾萬蚊都有好裝啦
我自有件裝, 之前買二萬, 改左版之後, 要十五萬先買得番同我之前買果件同LEVEL 既衫. .. 咁你話灰唔灰.. ..講真, 煉獄 ACT 1 , 我單拖係完全唔死, 但一同三個FRIEND 玩ACT 2 , 係完全俾怪秒殺, 跟住修理D 裝要四萬幾.. 我真係果刻灰晒.. 我打個ACT 1 , 打幾個鐘都係得果二, 三萬, 真係倒蝕..
ACT 1 半粒鐘都5,6萬 你有問題wo
我都開始唔玩, 越改越差, 一個四人房遊戲要講什麼遊戲生態, 玩家既樂趣先係第一位囉, 一個人打好過多人遊戲, ELITE勁過大佬, 敵方技能勁屈機, 要FARM錢FARM裝備, 晒時間兼冇癮，宜家隻GAME已經變得完全唔好玩
打機本身就係晒時間啦
咁講人活著都係晒時間…..打機晒時間都要換到樂趣先得架
人活著係好有意義 同意樓上所講打機本身的確係晒時間
鬼咩, D SKILL 越NERF 越弱, 本身D NERF 已經係針對高LV 果D SKILLS 架啦, 去到INFERNO D 怪又黐線地強, 個故事由NORMAL > NIGHTMARE > HELL 已經打左三次, 加埋5個角色即係玩左15次, 你唔悶我都悶. 最過份係連”FARM” EXP 既地方(唔係指掛機搵錢果D 蜘蛛, 係真係要坐定定去打QUEST 果D)都比佢”改善”到勁低, 你XX 我究竟要幾耐先可以升爆一條友? 再者去到1.0.3 之後打一轉精英怪死十幾次(ACT1 咋)REPAIR 要成30K 以上, 打完仲有未必會跌好野比你, 時間同金錢(GAME 內)都蝕到入肉.
好喇, 再講佢DROP RATE, 越NERF 越低, 迫你去佢AH(拍賣場) 甚至RMAH(真金拍賣場)買裝. 未有RMAH 果陣D 裝就炒到天價, 有RMAH 之後D 好野就去哂RMAH 果邊.
即係最後你將幾樣加埋, SKILL 弱左 + DROP RATE 跌左 + 好野去哂RMAH, 即係迫到你比錢去繼續打INFERNO, WELL, 我都好尊重隻GAME(我係真金白銀買隻GAME 返黎玩, 當然要玩盡佢!!!), 我玩爆哂5個角色(LV60)就算. INFERNO可以SKIP 左佢算. REPAIR 錢我真係比唔起. 除非佢之後D PATCH 可以改善下或者”咁快”有
新劇情. 如果唔係真係可以好快封印隻GAME.
Blizzard班白痴真係當所有玩家係白痴，到頭來無人再玩，等佢地白做。
其實佢地改到咁, 其中一個原因就係要減少D 人, 等佢地SERVER 個MAIN COST 滅少.. , 就好似香港西隧咁.. 佢加到咁貴, 雖然車流少, 但相對MAIN COST 亦少番, 所以佢地唔介意少左人打..
我仲諗住買= =比你地講到甘 都唔知買唔買好
老實其實買隻中文版玩下OK 的. 其實真係唔差, 不過你要玩到HI-END 要爆埋煉獄級既就死心好了, NORMAL + NIGHTMARE 打哂5個角色都好夠皮.
本身game 冇問題…問題係果D 人
我覺得遊戲本身唔錯, 我之前無點玩過D2, 無D2呢個咁大既包袱, 而問題係出係RMAH同inferno級設定方面, 講真玩到第3次重覆再重覆, 到inferno第4次都無乜感覺啦, 而我覺得真正好玩係同朋友一齊打先過癮, 我就無乜興趣俾真錢去買裝啦, 有錢不如走去買其他game啦
Nice share, thanks.
bloons tower defense 5