近排串哥係 unwire.hk 真係 hit 到爆，小弟自問就無佢講野咁風趣，但都姑且以較輕鬆的手法去講有趣事吧。事關近排 iPad 完全成為市場上最 hit 的產品，但係未買的用家，最擔心的肯定唔係它的「海鮮價」，而係保養問題。不過最近竟然有店舖為 iPad 提供「原廠保養」？Edward 自然立即到先達，睇下佢地有冇吹水。
相信唔少人都知，iPad 到而家都未有香港行貨出，即係話大家係水貨舖買的 iPad，即係水貨 iPad，一般都係由舖頭自行提供保養的，但老實講，成日聽先達幫人整機搞保養，但有的「黑店」，最後拿部機番去整，壞的部份自然幫你整好佢，最慘的係唔壞的部份都幫你「換埋佢」！梗係啦，個啲零件值錢嘛，梗係留定一堆傍身穩穩陣陣！
不過就算唔係「黑店」，手機舖自己提供的保養都無乜保障，始終萬一間舖執咗，又或者到時用任何藉口話係人為損壞唔受保，咁就喊都無謂，尤其是一部隨時要成皮嘢買番來嘅 iPad！不過早幾日小弟行先達嘅數碼動力，佢哋老闆林生就話我知，佢哋肯為係佢哋舖頭買 iPad 嘅顧客提供「原廠保養」服務，只要係買機後一年內，部 iPad 有咩「衫長褲短」，拿番佢哋舖頭，就會幫你免費運番美國整，仲要包埋任何零件費，搞掂之後又運番香港俾番你，真係買水貨享有行貨保養服務！
當然，大家都會問：頭先 Edward 你咪話，萬一舖頭執鬼咗，你話保咩都無用啦！係架！不過，話曬人哋係先達都成十年，大大話話經歷話 SARS 同埋金融風暴，再差嘅市道都捱得過。要執？有排都未輪到佢哋啦！
查詢：數碼動力（2142 7223）
分享到 :
最新影片
