行版 Steam Deck 被轟出貨混亂    買家留言：順序出貨變咗幸運大抽獎

萬眾期待的港版 Steam Deck 已在上周六起開始出貨，不過有多名買家對官方的出貨安排表示不滿。縱使在官方表示聲明後，但留言區的買家仍然怨聲載道。

電競掌機 Steam Deck 的香港官方 Twitter 帳號 @OnDeckHK 在上周六（17日）發文表示，Steam Deck 的出貨會因為受到付款時間、物流公司確認寄送地址等因素而影響寄送順序，稱會盡快寄送，懇請各位的理解及體諒。

 

不過聲明下的留言區卻充斥著一大班香港 Steam Deck  買家的不滿，紛紛批評官方的出貨安排。有買家表示，「咁點解釋一堆遲落訂遲付款個（嗰）批可以早發貨過最早落訂付款個批（嗰）先？12 月先落訂付款都可以早過 9 月最頭嗰批有冇搞錯，理解體諒可以解決問題咩，如果一早嚴格遵守按付款順序發貨，就唔使搞到而家一鑊泡」。

留言的買家都比較激動，「我即日俾錢都仲未收到，但遲買既買家就收到，好明顯唔係你講既問題啦，叫人點體諒你地啊」、「第一日話可以預訂嘅，12月頭收到電郵即榜（磅）水。機呢？出貨通知呢？人出預訂你出預訂，出到你個程序成pat屎咁。」

 

更有買家更斥責官方欺詐，指「原本講按付款順序出貨，變咗每日幸運大抽獎，如果係抽我唔買等現貨啦」。

資料來源： Steam Deck 香港官方 Twitter 

—

unwire.hk Mewe 專頁 : https://mewe.com/p/unwirehk

分享到 :

最新影片