作為 Mirror 的支持者，相信已經一早買了飛，等待 7 月底入紅館支持 12 子吧？但作為真 fans，買飛當然不夠！由今日起，MOOV 就聯乘 Mirror，在銅鑼灣時代廣場舉行了「Baby Mirror We Are」主題活動，除了展出以 Mirror 12 位成員為造型的 Q 版卡通公仔，大家還可以將這些 Q 版公仔粒粒裝滿玻璃樽買回家當裝飾，現場還有不少打卡熱點，現在就帶大家到現場事先參觀一下吧。
▲在二樓中庭的 Baby Mirror Pop-Up Store，大家可以見到 Mirror 12 子各自的 Q 版迷你粒粒公仔。而拿公仔的 counter，十分似自行裝糖果的店舖，十分過癮。
▲12 子的 Baby Mirror 公仔十分細隻，而且各有表情及造型，十分盞鬼。
▲在活動舉辦期間，入場 fans 可以自行將心愛 Baby Mirror 公仔放進上圖這個玻璃樽內，之後就可以買回家。每樽承惠 $340。
▲另外，如果購買兩樽，更可隨機獲贈上圖這款 Baby Mirror 限定卡套一個連小卡一張，數量有限送完即止。換言之……如果想儲齊全套，最低限度要買……24 樽……不過問題來了：每人只可購買兩樽迷你粒粒樽，所以要入手更多 Baby Mirror 卡及卡套，除了要有「財力」外，亦要有「人力」……
▲另外，買 Baby Mirror 連玻璃樽，亦可以加錢另購上圖這款 Baby Mirror 膠袋，買一樽可加 1 蚊購買一個，買兩樽就可加 2 蚊買兩個。不過只此而已，如果想購買更多，由於 Baby Mirror 迷你粒粒樽每人只限購買兩個，所以就不可能購買更多了。
▲地下露天廣場大招牌，唔係唔影掛？
▲當然，重點一定是中間 3 個打卡專區。
▲最左邊很有懷舊 pub feel。
▲中間有齊 12 隻大大隻 Baby Mirror 公仔，相信呢度一定要排勁耐隊先打到卡。
▲而右邊的打卡區，同樣十分趣緻。
▲由地面上二樓中庭的自動電梯，同樣是十分正的打卡區呢！不過影相打卡還影相打卡，在電梯上要小心安全哦！
▲去到二樓 Pop-Up Store，亦有不同的 Baby Mirror 海報，雖然買唔走，合照一張打卡都係唔錯的主意。
這次活動雖然是完全免費，但畢竟 Mirror 支持度太高，所以是不接受 walk-in 的。要入場的話，大家需要透過 Klook 預約指定時段入場，到時間後就可以 QR Code 入內。另外，位於時代廣場二樓中庭的 Pop-Up Store，在 7 月 25 日起更會與《MIRROR.WE.ARE LIVE CONCERT 2022》同步發售演唱會周邊商品，想入手但又搶不到飛的 fans，屆時到時代廣場同樣可以買到心愛應援物。
Baby Mirror We Are 主題活動詳情
日期：2022 年 7 月 14 日至 8 月 8 日
時間：10am 至 10pm
地點：銅鑼灣時代廣場地面露天廣場 + 二樓中庭
▲最後想分享一下，今日的 Media 入場證，設計得十分有心思！筆者超想帶走，但可惜不可以……
