基本上一Search嘢都會用咗Google，想搜尋時間愈來愈短，網上一直都有唔少Google搜尋技巧嘅分享同教學，大家Search嘢應該已經愈來愈有效率～ 適逢Google 20週年，小編決定來一個小更新，分享幾樣Google成日唔聲唔聲幫咗你好多嘅功能，唔知大家平時Google Search係咪都會咁用嘅呢？
相關影片：
食咩無咁肥？
好多人都愈來愈注重飲食，希望係食之前了解多啲食物嘅營養資訊，小編嘅習慣係用App，但只要簡單輸入「fat in milk」，甚至全句「how much fat is there in milk?」，資料就一目了然～幫到你小心選揀食物！
不出1秒計好滙率！
去旅行又好，出trip又好，一講到錢就要計滙率，可能大家會有個App專門去計，不過只要係輸入關鍵字「$202 in USD」或者「$202 ＝ USD」，Google就會即刻顯示最新滙率，零點幾秒就答到你！
20,180,927英文點講？
應該有唔少人一要講銀碼或者一堆水蛇春嘅數字，仲要用英文講，就真係未必人人都可以快而準答到你，而且亦無理由係人面前慢慢數有幾多個位。咁Google又再次幫到你啦～只要係堆數字後面加「＝english」，結果就出現！再長都難你唔到啦～
你未必懂的 Google Search 7種玩法
第一招：唔洗再查字典
唔洗左搵右搵各種網上字典，在搜尋嘅字詞前面加上「DEFINE:」，就會得出定義，對於只需要搵個字點解應該夠晒用！
第二招：指定網站搵出所有包含同一個字嘅地方
Google 搜尋引擎強大相信大家都唔會否認，有時啲網站仲會利用 Google 嘅引擎提供站內搜尋。只要喺搜尋頁，加上「site:」，就可以在指定網站找到所有提及同一個字詞嘅地方。例如：輸入「Google site:Facebook.com」，就可以提供所有在 Facebook 內提及 Google 嘅搜尋結果。
第三招：善用減號篩選結果
有啲字詞，可以牽連好多唔同意思。例如品牌 Casio，既可以指手錶，亦都可以指數碼相機甚至喺計數機。所以，如果只喺想搜尋 Casio 數碼相機，又唔想出現 G-Shock 手錶等唔想要嘅資料，就可以在「Casio」後加「-watch」，就可以剔除所有關於手錶的搜尋結果。
第四招：不要睇小 Google 新聞搜尋
平日大家可能唔會用到 Google 嚟搜尋新聞，但其實 Google 的新聞資料庫，年代久遠至 18 世紀初的新聞都有，有時如果真係要搵舊新聞就會發覺好神奇好有用！
第五招：以圖找圖
Google 除咗可以用字詞搜尋，亦可以用圖找尋相似的圖。大家打開 Google 圖片搜尋頁面後，按下相機按鈕，就可以輸入圖片嘅網址搵圖，也可以利用大家已儲存於電腦內的圖片，找出其他相似的圖片。
第六招：搜尋結果一字不漏
相信呢招唔少 wire 民都應該有用過，只要在搜尋的字詞前後分別加上開關引號，就可以只顯示與搜尋關鍵字一字不差的結果。
第七招：加個 * 搵歌名歌詞更容易
大家要搵歌嘅時候，好多時候都會打一句歌詞嚟找歌名歌詞。即使一句歌詞內有字唔記得咗都無問題，只要將唔記得咗嘅字變星號「*」，整句歌詞前後再用開關引號，就自然可以搵到相應的歌曲。
Leave a Comment