暑假到，又到爸爸媽媽頭痛安排小朋友活動的時候。室外活動往往受制於天氣，夏日炎炎、烈日當空又怕容易中暑；一時風雲色變，又怕淋得像隻落湯雞著涼。留在室內，又怕小朋友放電不足，夜晚玩到十一點都不肯上床睡覺。室內攀石場應該可以一次過滿足三個願望！
應朋友邀請，到了近日在北角新開張的攀石場 Verm City 試玩。
我拖著妹妹子走進場地，妹妹子舉頭一望，就嘩的一聲指著面前的大型設施。莫說小朋友覺得新奇刺激，我咁大個人都在心裏嘩了一聲。甫走進合家歡那個區域，就像走到大人國的公園，設施包括七彩層層疊、U形滑梯、巨型梅花樁⋯⋯大鄉里出城，我、妹妹子同細佬仔都係第一次去攀石場地，簡直眼界大開。
說到玩呢啲咁考反應同體能嘅活動，當然派爸爸陪妹妹子上陣。我都係緊守崗位，睇住細佬仔同做攝影師好了。
若問妹妹子驚唔驚，她是驚驚地的，但經教練哥哥和我們鼓勵一下，給她一個較易達到的目標，她又竟然爬上了幾步。坦白講，我也不敢爬，三歲的妹妹子能夠克服困難，爬上幾步，已經讓我喜出望外了。
場內一位五歲的小姐姐，懷著一副大無畏的精神，無懼挑戰，幾乎玩盡場內設施，贏盡在場大人細路的掌聲。如果小孩有得五、六歲或是年輕人，必定玩得樂而忘返。
Verm City 場內分了兩邊，一邊是供非常專業的攀石人士進行活動，另一邊是一家大細都可以參與的攀爬牆和大型設施。場內亦設有擴增攀岩牆 （Augmented Climbing Wall），將攀石與 AR 結合，讓參加者一面攀石，一面利用投影玩球類運動或遊戲，增添互動元素、挑戰和玩味。場地一角亦設置枱椅供 30 人休息或進行討論，適合包場開派對、做團隊活動或企業培訓。教練全部獲得國際認可攀石教練牌照，非常專業。他們更有意在場內發掘和挑選有潛質的小朋友，裝備他們參與不同的國際賽事，包括 2020 年東京奧運。
運動教練岀身的 Verm City 董事 Cary Lee 說，開業以來，最開心是每次見到家長和小朋友來之前無咩溝通，但走的時候拖住手走。
是的，又有甚麼比得上緊密的親子關係？
地址：鰂魚涌柯達大廈一期 4 樓
收費︰Clip and climb 區每人 HK$180/小時（大小同價）﹔攀石牆區分全日通行證 HK$180（只限懂得攀石的人士，可租用攀石鞋每對 HK$30 ）
查詢︰2560 8128
網址：www.vermcity.com