香港人為了賺到一筆首期買樓日夜工作,即使儲到錢也就不到時間實地睇樓,因此地產代理相繼推出「VR 360 網上睇樓」服務,讓準買家及租客可以隨時隨地睇樓。利嘉閣地產上年已推出 VR 360 高清睇樓,豪宅樓盤的查詢隨即增加,故利嘉閣今年將投放超過 2,000 萬元強化 IT 發展,推出「RicaGo」網上服務,讓客戶在網上搵樓睇樓,並即時聯絡地產經紀。
利嘉閣地產上年已推出「VR 360 高清睇樓」,日前推出的「RicaGo」網上搵樓服務,則包括「升級版 VR 360 高清實景睇樓」及「Live Chat」即時對話服務。
新功能可多視角睇樓
「升級版 VR 360 高清實景」以全高清制式配合 360 度的鏡頭將單位拍攝,再製作成虛擬實景,讓準買家戴上 VR 眼鏡「參觀」單位的時候有如置身現場。「VR 睇樓」備有定點移動功能,視線望向移動方向的藍點,即可做到前進及後退等效果,毋須走動。部分的樓盤 VR 內更提供影片解說,令準買家了解單位特色及細節等資訊。而透過平板或電腦用 App 或網上平台睇樓,更可以用模型視角或平面圖視角檢視單位。
▲ 戴上 VR 眼鏡「參觀」單位。
▲「VR 睇樓」內新增影片解說。(網頁擷圖)
▲「VR 睇樓」內亦新增「即時對話」功能,可以即時找到經紀解答查詢。(網頁擷圖)
▲網上平台可以用平面圖視角(上)或模型視角(下)檢視單位。
VR 睇樓增豪宅查詢
利嘉閣地產資訊科技部聯席董事譚宗秩表示,地產代理業界大多已推出 VR 睇樓,他們今次的突破在於結合 VR 及影片解說,讓用家更易獲得單位資訊。其網上平台目前有約 300 個樓盤可以讓準買家「參觀」,他們的目標是於今年內製作 1000 個樓盤。但製作一個樓盤的 VR 需時,未計後製,普通的 500 呎樓盤已需要 2 至 3 個小時拍攝,而大型單位更需時 4 至 5 小時。譚宗秩續稱,上年推出 VR 睇樓後,豪宅單位的查詢增加,故今年會繼續完善整個網上平台,提升用家體驗。
▲利嘉閣地產資訊科技部聯席董事譚宗秩
Leave a Comment