12月話凍又唔係好凍，但日日坐係 Office 就真係雪咁凍！保暖 Gadgets 點都要有一兩件傍身。我依莉詩就揀咗 6款市面上最新嘅保暖 Gadgets 同大家試下係咪真係最架先！
a) J-Cube 迷你暖風機
最原始嘅保暖家電必定要數暖風機，而呢個迷你暖風機只有水杯嘅 size，旁係枱頭就可以自私暖啦！呢個迷你暖風機採用 PTC 發熱陶瓷，可以恆溫聚熱，按掣可以調節兩段溫度。基本上一插就開始吹出熱風，不過因為係集中出風，所以只有暖風機前方半米範圍先感受到暖意。還好的是，暖風機可以調校角度，如果對準個 keyboard ，打字時雙手就可以時刻溫暖了。另外，暖風機備有傾側或倒下自動斷電保護裝置，都會比較安全。
▲ 迷你暖風機只有水杯嘅大細，放係枱就啱晒！
▲ 暖風機可以調校角度，如果對準個 keyboard ，打字時雙手就可以時刻溫暖了。
▲ 基本上一插就開始吹出熱風，但出風口都比較熱，所以啟動時要避免觸碰。
b) nanoheat PAD 暖杯墊
冬天時刻都想飲杯熱飲，奈何沖要杯咖啡放一陣就凍晒，呢個暖杯墊就可以暖住杯飲品。不過最好就用玻璃杯或金屬杯，因為傳熱更快更熱，反而用普通外賣紙杯就依然回變凍。
▲ 呢個暖杯墊唔係用 USB ，而係插電掣，所以溫度都比較高。
▲ 開始後 5分鐘左右，玻璃面溫度已經升上 100度，要小心啲唔會掂到。
c) 茶記保暖杯
要實用又要靚可以揀呢款雙層瓷器保溫杯連 USB 暖杯墊。以楓葉外賣杯作設計基礎，充滿港式茶記感覺，杯身用咗雙層式設計，令保溫效果更能發揮，杯蓋用咗矽膠，鎖住熱力之餘，又容易清冼。而附送嘅 USB 暖杯墊用上 Q版菠蘿包，雖然熱度略嫌不足為飲品保暖，不過勝在可愛搭夠。
▲ 呢套用傳統香港茶記文化做設計嘅保溫杯同暖杯墊喚起不少集體回憶。(雖然平係都係係 office 叫外賣多)
▲ 以楓葉外賣杯作設計基礎，充滿港式茶記感覺。
▲ 不過附送嘅 USB 暖杯墊熱度略嫌不足為飲品保暖。
d) USB 暖枕
係 Office 坐到悶悶哋自然想攬住個軟綿綿咕?，而呢款燒賣造型咕?唔止可愛，仲識發熱，內置 USB線有 1米咁長，插電唔洗一分鐘就變暖，女士們某啲日子就好啱用啦！
▲ 燒賣造型咕?唔止可愛，仲識發熱。
▲ 內置 USB線有 1米咁長，插電唔洗一分鐘就變暖。
▲ 不過暖度唔係好高，而且熱力唔太平均，只有中間部份微暖。
e) i-Smart IQ博士暖蛋
i-Smart 嘅暖蛋成日都見，今次呢款 IQ博士 35周年暖蛋一盒有兩個，可以同朋友分享。暖蛋用兩粒 AA電池或 USB電源供電，可以話係乾濕兩用，而電池可維持 4-5小時，平時出街都夠用。不過就只係單面，所以唔可以同時暖兩邊掌心呢！
▲ 冬天對手凍冷冷，揸住暖蛋就暖入心啦！
▲ 暖蛋用兩粒 AA電池或 USB電源供電，可以話係乾濕兩用。
▲ 暖蛋保度唔算太高，就算直接接觸發熱面都唔會燙手。
f) VidaPerla 敷健寶
有時唔用電，最原始方法都可以取暖。古時有人煮熱紅豆就暖包，依家就以恆溫豆代替。只要將暖包放入微波爐叮一分鐘就會變暖。除咗可以保暖，仲可以敷唔同位置，加快炎症消散、緩解疼痛同鬆弛肌肉。
▲ 只要將暖包放入微波爐叮一分鐘就會變暖。
▲ 同與甘油基凝露袋唔同，恆溫豆唔會係微波爐分解，可重複使用。
▲ 係微波爐令出嚟係幾暖，但 10分鐘左右就會凍番呢！
保暖 Gadgets 使用須知
1. 避免直接接觸發熱部份
保暖 Gadgets 大部份都係有一個重點發熱硬件，愈近硬件位置會愈熱。雖然大部份都能夠做到恆溫，但都避免直接接觸發熱硬件，避免燙傷。
2. 揀 USB 或充電式比較安全
雖然 USB 插電或充電式嘅保暖 Gadgets 多數無咁熱，而且會因為熱量下降而未能保暖，但比起插電式安全。插電式產品亦不應長開，避免過熱。
3. 避免與暖水袋同時使用
保暖 Gadgets 始終有電，所以不應同暖水袋同時使用。萬一暖水袋被 Gadgets 熱溶，又或者水漏到 Gadgets 導致漏電都會十分危險。
查詢：
a) J-Cube 迷你暖風機 $380 — JCSHOP Kidults (35778685)
b) nanoheat PAD 暖杯墊 $189 — JCSHOP Kidults (35778685)
c) USB 茶記保暖杯 $128 — Citysuper (2736 3866)
d) USB 暖枕 $128 — Citysuper (2736 3866)
e) i-Smart IQ博士暖蛋 $199 — Citysuper (2736 3866)
f) VidaPerla 敷健寶 $199 — Gigasports (3568 3786)
分享到 :
最新影片
