聽日就係一連 4日長假嘅開始，唔少人都準備外遊享受白色聖誕，但原來香港就算唔入迪士尼都有可以感受到飄雪氣氛。今日就介紹 4個現場會有「飄雪」嘅活動畀大家，祝大家過一個平平安安嘅平安夜啦！
利東街「胡桃夾子之飄雪聖誕」
喜帖街本來已經係一個浪漫嘅地方，重建後嘅第一個聖誕，長約 200米嘅林蔭步行街化身成為充滿歐陸色彩嘅聖誕小鎮，由胡桃夾子駐守。街上除了浪漫嘅雪花星雨燈飾外，中庭更呈現童話國聖誕城堡及約10米高嘅聖誕樹， 整條大街都冒著幸福飄雪，於華麗嘅櫥窗及醉人燈火之間，就好似去咗迪士尼小鎮大街一樣，散發浪漫溫馨嘅歐陸氣氛。
日期：2016年12月13日 ‑ 2017年1月1日 (上午10時 ‑ 下午10時)
地點：利東街 》香港灣仔皇后大道東200號
東華極光飄雪嘉年華 2016
上年東華嘉年華可謂一時無兩，原來今年聖誕「極光飄雪嘉年華」已經低調地捲土重來，就係黃大仙摩士公園游泳池打造成北歐小鎮。不但設有大型聖誕許願樹、歐陸式小鎮及鐘樓等佈置，亦有舞台匯演和多個遊樂設施，如互動遊戲、手工藝及美食攤位等。此外，會場更利用50 呎闊 x 10呎高嘅大型銀幕作冬日極光 3D 投影，配以特別燈光、音響同飄雪效果，讓大家猶如置身於北歐冬天一樣，渡過一個極具嘉年華氣氛嘅冬日戶外活動。
日期：2016年12月18日 ‑ 2017年1月14日 (每日) 下午3時 ‑ 9時30分
2016年12月24日 (星期六)、2016年12月31日 (星期六) 下午3時 ‑ 翌日上午12時15分
地點：摩士公園游泳池 》香港竹園龍翔道
聖誕冰雪極地市集 @D2 Place
D2 Place ONE 空中天台花園亦變身成為「極光冰雪森林 The Aurora Snowland」。大家可以踏上白濛濛嘅雪地、穿越白色森林隧道，欣賞最自然嘅北極光和漫天飄雪。場內更有多種可愛動物擺設，俾大家自拍。另外，2樓The Space 會變成冰雪滑雪場，大人小朋友都岩玩！ 《聖誕極地創意市集 Christmas Polar Market》 召集創意小店、本地手作及聖誕特色小食檔，加上夢幻雪地佈置，將 The Space 幻化成一條浪漫冰雪小村莊，等文青們過一個滿載而歸嘅聖誕。
日期：2016年12月24日 ‑ 26日 、2016年12月27日 ‑ 30日 、2016年12月31日 ‑ 2017年1月1日(中午 ‑ 下午8時)
地點：D2 Place 》香港九龍荔枝角長義街9號
夢幻樂園 Wintaland@科學園
聖誕亦係小朋友方電嘅節日，Wintaland 就係一個適合小朋友去嘅聖誕嘉年華，場內所有景點遊戲專為小朋友而設，讓小朋友與大人們渡過一個難忘而又有濃厚節日氣氛嘅白色聖誕！有別於一般飄雪效果，飄雪屋從視覺及體感溫度帶小朋友感受真正冰天雪地！飄雪屋內長期保持攝氏 0 度嘅環境，長時間無間斷漫天飄雪，令整個場內均佈滿真雪。無論任何時間走入飄雪屋，都郤彷如置身外地一樣，讓大家體驗真正落雪嘅好玩氣氛，親手感受雪花嘅觸感。另外，創意水族館內，小朋友只要係神奇畫紙上填畫出心中夢想嘅魚，魚就會係大型魚缸內出現，小朋友可觸摸自己畫嘅魚呢！
日期：2016年12月24日 ‑ 2017年1月1日 (上午10時 ‑ 下午10時)
地點：香港沙田科學園三期 》香港沙田科學園
費用：$160/1、$450/3、$560/4
資料來源：Timable
Leave a Comment