講人氣風筒又點止得 Dyson ，其實 Panasonic 納米離子護髮風筒係日本同台灣都好紅，最近具備 6種護理模式嘅 EH-NA98C 正式登陸香港，我依莉詩就即刻借咗返嚟試啦！
礦物納米離子吹髮同時護髮
雖然未到 3千蚊個，但呢個 Panasonic 風筒都接近 2千，又無 Dyson 嘅穿窿造型，點解可以咁貴呢？原來佢有 Dyson 風筒無嘅納米離子科技，廠方聲稱可以釋放含水量比負離子高出約 1,000倍嘅納米離子，令水份可以持續滲透髮芯，滋潤及修護秀髮。再配合雙重礦物離子(鋅)，形成保護層，令秀髮更強韌、有助保濕及減低紫外線傷害。
▲ 呢個風筒同普通風筒外型差唔多，摩打同樣放係頂部，拎上手有「頭重腳輕」嘅感覺。不過，儘管有有1,800瓦特風力，但拎上手都唔太重。
▲ 最特別嘅係出風口上方多咗 3隻眼，出風嘅同時，獨立釋出礦物離子同納米離子，避免離子直接受熱而流失。
▲ 手柄位置整合納米離子感應板，只要緊握手柄就能釋放頭髮上所累積嘅負電荷，讓離子吸附係頭髮上，令水份可以持續滲透髮芯，滋潤及修護秀髮。
▲ 同呢個風筒吹完嘅頭髮俾之前直，髮尾亦比較有光澤。
6種護理模式適合不同造型
要做到護髮，溫度非常重要，除了 3段風速調節，呢個風筒仲有 6個護理模式，熱風、智能控溫、冷熱交替、獨立冷風、頭皮護理及護膚模式。個人就十分鍾意冷熱交替模式，唔怕一尾吹到個頭熱辣辣，到咁上下會變吹凍風，方便造型之餘避免頭髮表面過熱。另外，護膚模式亦十分特別，冬天沖涼後皮膚都會好乾，就算塗上護膚品都難以即時吸引，同護膚模式吹一分鐘左右，可以加快吸收護膚品，同時令肌膚回復柔潤，如果係普通風筒就只會愈吹愈乾了。
▲ 6種模式都會同時釋放礦物同納米離子。
▲ 3段風速調節可以因應需要吹乾頭髮及造型。
▲ 出風口連埋一個速乾護髮風咀，可以迅速吹乾頭髮。
▲ 雖然呢個風筒未去到 Dyson 風筒咁靜，不過都比普通風筒靜得多，一邊吹頭一邊聽電視都得。
▲ 手柄可以折疊，方便收藏。
依莉詩：「吹髮同時護髮！」
冬天吹頭最怕搞到個頭又乾又旱，毛燥飛起就一發不可收拾。呢個風筒吹頭同時可以護髮，快乾之餘，吹完個頭都順滑咗又唔毛燥，而且比起普通風筒靜，唔怕嘈襯屋企人。不過就無跟造型風嘴，如果要吹直或吹彎頭髮就更需要技巧了。
Panasonic「礦物納米離子護髮」風筒 (EH-NA98C)
售價: $ 1,880
查詢：Panasonic (2833 0955)
Leave a Comment