Hello Kitty 嘅魔力勢不可擋，一田宣佈 2月會係西環香港商業中心開設全球首間 Hello Kitty 超市嘅同時，係今個聖誕大玩聯乘，以 Hello Kitty 夢遊仙境為主題，於多間一田設立多個夢遊仙境期間限定店，如果食齊多款主題美食，仲可以儲襟章添！我依莉詩就遊走九龍、新界儲齊一套啦！
2米高魔法書等你留影
係收集襟章之前，梗係要去沙田店嘅大型魔法舞台，同 Hello Kitty 近距離接觸。Hello Kitty 今次換上夢遊仙境裝束為大家開啓 2米高嘅魔法書，穿梭童話仙境同可愛茶具、魔法椅子合照留影。
▲ 可惜仙境世界同現實世界係分開嘅，所以只能遠觀啦！
尋找Hello Kitty造型美食
打完卡就要出發儲襟章啦！4款 Hello Kitty 造型美食分佈係 4間一田內嘅食肆，當中包括壽司、甜品、麵包同飲品，全部都可愛度爆燈，而且每樣都會送 Hello Kitty 襟章，粉絲必定要儲呢！
▲ 大埔同旺角嘅魚兵衛推出 Hello Kitty 限定版壽司組合 ($69.8/盒) ，每買一盒都會送一個壽司版襟章。
▲ 成個 Kitty 頭嘅壽司係咪好得意呢？入面有三文魚架！
▲ 荃灣嘅天仁茗茶就推出限定版新鮮果茶，用 Kitty 杯裝嘅果茶特別好飲呢！買滿 $50 就可以得到 茗茶版襟章一個。
▲ 要吸引女士們，當然要有甜品！沙田同荃灣嘅 Beard Papa’s 推出 Hello Kitty 迷你泡芙杯，買一杯就送一個泡芙版襟章。
▲ 早餐都離唔開 Hello Kitty，沙田同大埔嘅 Das Gute 推出 Hello Kitty 煉奶丹麥酥 ($60/5件)，清番乾淨張腸片仲可以再用添！
抵買獨家 Hello Kitty 精品
Hello Kitty 精品並四圍都有，但今次以夢遊仙境為主題嘅就得今次 Pop-up Store 先買到，而且價錢偏平，粉絲要襯機會入貨了！係一田店購物滿 $200 仲可以得到 大會主題版襟章一個。
▲ 除咗買嘢食可以儲襟章，買精品都有架！
▲ 今次限量版精品價錢偏平，好抵買！
▲ Hello Kitty /Tiny Chum筆袋 都係 $79。
▲ 細細地嘅散紙包 $25。
▲ 化裝袋都係 $59 (前)、手提袋就 $99，平過買雜誌送果啲呢！
▲ 不銹鋼水壺 $98，冬天拎出街都隨時有熱杯。
▲ 枱仔都係 $89 咋！
集齊 5個送 1個
講咗咁耐儲襟章，原來一套有 6個咁多，只要集齊以上 5款就可以去沙田換領最後一個 Hello Kitty特別版襟章同禮盒乙個。
▲ 最後一款限量 200個，儲齊一套真係一啲都唔容易呢！
近萬呎 Hello Kitty 精品超市 2月開幕
粉絲們唔使興奮住，嚟緊 2月一田仲會係西環香港商業中心開設近 10,000呎嘅 Hello Kitty 精品超市。真係唔敢想像貨架上所有嘢都係 Hello Kitty ，到時大家會點尖叫！
依莉詩：「要儲一套真係唔容易！」
為咗儲一套襟章，山長水遠去咁多間一田真係唔容易。如果經過見到 Kitty 造型美食或者都可以買下，特別係 Kitty 壽司同泡芺都好好味，有襟章都唔錯架！至於限量精品今次定價唔貴，聖誕可以買嚟做禮物送俾朋友啊！
YATA x Hello Kitty In The Wonderland
日期：2016年 11月 30日 至 2017年 1月 2日
地點：一田 (沙田、大埔、荃灣、旺角)
Leave a Comment