又到年尾，又係要捱 7仔嘅時候！唔係因為年尾節日多洗大咗，而係 7-Eleven 又有嘢玩啦！今次仲要係 LINEFRIENDS x Sanrio characters 兩大萌爆卡通合體嘅陶瓷杯，一次過有齊熊大同 Kitty ，送畀「三心兩意」嘅女神仲唔開心死！
20個印花免費換
同以往換領方法一樣，分為兩個階段，第一階段嘅「LINE FRIENDS x Sanrio characters友MUG頭陶瓷杯」由 2016年12月7日 至 2017年1月24日，係 7-Eleven 購物滿 $20 即送印花一個，滿 $30 送2個、滿$ 40元則送 3個，如此類推。憑 20個印花即可免費隨機換陶瓷杯一款，以7個印花 $28 亦可以隨機換購其中一款。每隻陶瓷杯都由 LINE FRIENDS 同 Sanrio characters 組成，熊大、兔兔、 Kitty 、 Melody 隻隻都咁萌。用嚟裝杯熱飲界畀女神，仲唔顯示到暖男嘅一面？
▲ 細心睇，10 隻杯其實可以分成一對對架！
▲ 每隻杯約高 14cm，容量為200mL，更可放入微波爐同洗碗碟機，既可愛又實用。 
▲ 第二浪會以「EAT」為主題，詳情會稍後公佈，會密切留意我哋嘅報導啦！
