唔好以為年紀輕輕脫髮就唔關自己事，香港人生活緊張、工作壓力大、忽略飲食健康，加上遺傳因素，地中海同髮線後移等脫髮問題其實好早就會發生。有人會選擇戴帽扮睇唔到，而水哥就決定戴頭盔。仲一戴戴咗兩星期添！到底有無用？依家就睇下效果吧！
呢個頭盔雖然看似洛克人嘅盔甲，但並唔係道具咁簡單，而係美國脫髮治療品牌 Theradome 設計嘅家用激光生髮頭盔，每次充電大約 3小時，就可以使用約 4-5個程療。16安士嘅頭盔唔算好重，不過要戴住 20分鐘對低頭族嘅水哥嚟講頸部都有一定負擔，而且無帶固定，要戴住四圍走就有啲麻煩。
▲ 頭盔基本上好啱口哥頭型，但如果覺得太大嘅話都備有軟墊以調整頭盔大小，配合個人需要。
▲ 包裝嘅硬箱可以作日常收納用。
激光脫毛就試過，激光生髮聽落既神奇又令人擔心。頸盔使用冷激光技術，聲稱可利用 80個專用激光點放出嘅678納米（nm）波長激光，能穿透頭皮 3-5 mm 嘅深度，達致刺激毛囊底部細胞，繼而誘發細胞生長能量。未戴之前都幾擔心會唔會燒燶埋緊餘嘅煩惱絲。幸好帶上後 唔痛唔癢，20分鐘療程時間都會有語音提示，提示療程剩餘時間、次數、產品狀態 同 電池充電狀態等，都幾貼心，唔使自己計時。
▲ 按下綠燈就會開始，不過要戴上頭，頭盔內先會發出紅色，避免激光損害眼睛。
▲ 全覆蓋形頭盔內有橡膠釘分開頭髮，確保內部 80個激光點嘅能量可以直達頭皮。
▲ 紅光嘅波長同普通 LED燈唔同，穿透率更高，可以穿透頭皮 3-5 mm 嘅深度。
生髮頭盔雖然神奇，不過並唔係多啦 A 夢法寶，唔會帶一次就由河童變森林。官方聲稱一星期使用兩次，每次20分鐘，三個月內會見效。第 4至 18周，脫髮數量會減少、持續使用第18至26周，萎缩咗嘅毛囊會重新生長，頭髮變密，頭髮更加飽，到第 26至 52周會更新頭髮生長，新生頭髮變得健康強韌。因為時間有限，水哥只係試咗兩星期，效果其實唔太明顯，相信效果係留俾有恆心嘅人。
▲ 要每星期都記得戴真係唔容易！
▲ 戴咗兩星期，效果其實唔太明顯。
唔好諗住呢刻頭髮濃密就唔擔心，不過我就更擔心戴完個頭盔反而會燒燶埋緊餘嘅煩惱絲。幸好帶上後 唔痛唔癢，20分鐘療程時間都會有語音提示，感覺更安心。雖然頭盔只有 16安士，唔算好重，不過要戴住 20分鐘對低頭族嚟講頸部都有一定負擔，而且無帶固定，要戴住四圍走就有啲麻煩。試咗兩星期，效果其實唔太明顯，相信效果係留俾有恆心嘅人。
售價：$7,299
查詢：YANIV俊基實業 (8108 6271)
