香港做硬件設計嘅初創企業少，能夠將成品推出市面就更加少。一年前依莉詩訪問了係Kickstarter 集資成功 嘅智能水杯設計團隊。想不到 Ozmo 並無因為一次嘅成功而放軟手腳，更係今日發佈會上推出第二代智能水杯， Ozmo Java+ 不但可以定時提你飲水，更內置保暖機能，今個冬天就可以隨時暖笠笠啦！
改善防漏唔倒瀉
Ozmo Java+ 嘅外形對比上一代修長，減輕了笨重感，變得更好揸手，而顏色則選用純白杯身配以金屬底杯，更有時尚感。記得上一次接觸嘅半成品有滲漏問題，看來第二代嘅 Ozmo Java+ 已經完全解決，就算放入手袋或背囊都唔怕倒瀉。不過，始終水杯底藏有感應器，杯身仍然比一般 16安士 (480ml) 嘅水杯高及重，但拎出街都係可以接受。
▲ Ozmo Java+ 嘅外形對比上一代修長，減輕了笨重感。
▲ 杯身嘅 3 盞提示燈亦更明顯。如果飲夠當日目標，杯身嘅 3 盞燈會著晒；如果開咗蓋或者未扭實，會著 1盞燈提你。
▲ 杯蓋與杯更加緊密，改變了半成品嘅滲漏問題。
長時間保溫唔變凍
Ozmo Java+ 同上一代最大分別係新增保溫功能，只要將水杯放上底座，杯內嘅水或咖啡會保暖到大於 45度，不會太熱，容易入口。冬天飲咖啡或水就可以時時都暖笠笠！
▲ 每次充電後最多可連續使用三星期，帶去旅行都唔使成日充電。
▲ 只要將水杯放上底座，杯內嘅水或咖啡會保暖到大於 45度。
App 記錄每日飲水量
叫得智能水杯，連接手機應該程式梗係必須。Ozmo Java+ 會使用藍牙與手機連線，每日飲水嘅時間同份量都會紀錄清楚，如果你太耐無飲水，水杯會震動提示你。另外，更可個人化的 Coffee Break ，偵測飲用咖啡嘅份量，提示每日是否已超過上限，從而更關注健康。
▲ 應用程式可以設定性別、年齡、身高、體重嘅數據，再根據生陳代謝去計每日要飲幾多水。
▲ App 以鯨魚動畫顯示飲水量同咖啡量，令飲水變得更有趣。
實現運動手帶連動監測
上一次訪問設計師 Ming Tong 提及過，將來希望加入更多功能，例如：可以利用 iHealth 連接去 fitbit ，偵察到你做緊運動，就會提你飲多 D 水。又或者一個 App同時連接幾隻杯，俾媽媽可以睇到小朋友平時飲水量。而現在 Ozmo Java+ 就實現了與 Fitbit 等運動手帶進行連動，設定度身訂造嘅飲水目標。程式更會因應用戶進行不同嘅運動，從而調整每日飲水量 及 提出運動後要補充多少水份嘅建議，更充份配合用戶每日不同嘅飲水需求。
▲ 講求物聯網嘅時代，CEO Serena Pau 就認為 Ozmo 同一般消費品唔同，消費品一出生就開始下降，但可以同手機互動嘅產品出生之後會慢慢增值，所以智能水杯嘅延續性亦會比較強。
▲ 香港做硬件嘅公司不多，Ozmo 係短短一年由網上集資成功到今日出第二代水杯，Serana 認為唔只係資金，有相關經驗嘅團隊亦很重要。
依莉詩：「最啱大忙人！」
起初覺得要用 Apps 去提人飲水係一件好無聊嘅事，但當全日走嚟走去嘅時候，就會發覺經常都全日無飲過水，所以呢個水杯對大忙人確實有用。不過，第二代嘅保暖功能要固定使用，要經常出街就未必用得著啦！
相關影片:
Ozmo Java+
售價：$699
查詢：Ozmo (24071118)
或到以下 unwire 網店購買:
Leave a Comment