港人聖誕集體回憶！海港城尋找屬於自己的小雪翁

無論小時候一家大細睇燈飾，長大後成班朋友一齊除夕倒數，或是同伴侶放閃打卡，聖誕嘅回憶入面唔多唔少都係尖沙咀發生。海運大廈已經有 50年歷史，亦可以話係香港商場佈置嘅先河。唔知大家又滿唔滿意今年以小雪翁為主題嘅佈置呢？

32隻「小雪翁」帶來白色聖誕

雖然香港無白色聖誕，但海港城就有由超過 150個「小雪翁」打造成嘅白色聖誕。廣場中央有一棵由多個「小雪翁」組成 嘅 12米高巨型聖誕樹，以及多個大型旋轉木馬裝置，氣氛浪漫濃厚。樓梯係每年聖誕嘅重點，上方多對坐係鞦韆上嘅「小雪翁」營造甜蜜氣氛。由兩個雪球組成嘅「小雪翁」，每個身上都有不同圖案，代表住 0 至 31 嘅「雪人密碼」，大家可以係幸福嘅氣氛下同身邊人尋找屬於自己嘅「小雪翁」。

▲ 每個「小雪翁」身上都有不同圖案，代表住 0 至 31 嘅「雪人密碼」，大家可以係幸福嘅氣氛下同身邊人尋找屬於自己嘅幸運「小雪翁」。

▲ 樓梯係每年聖誕嘅重點，上方多對坐係鞦韆上嘅樓梯係每年聖誕嘅重點，上方多對坐係鞦韆上嘅「小雪翁」營造甜蜜氣氛。營造甜蜜氣氛。

▲ 一對對嘅「小雪翁」互相依畏，相當幸福。

▲ 由多個「小雪翁」組成嘅 12米高巨型聖誕樹，充滿歡欣氣氛。

▲ 不同大小嘅「小雪翁」放係大型旋轉木馬裝置上，好似係玩具櫥窗一樣。

▲ 大大小小嘅「小雪翁」就好似一家人咁聚埋一齊。

▲ 大家可以走入金色相框影一張美美嘅相片。

▲ 除咗「小雪翁」，四圍都有聖誕信鴿傳送祝福。

依莉詩點評

海港城一向都係睇聖誕燈飾嘅重點商場，一向都落足本，但今年反而無因為海運大廈 50周年而大搞。雖然一隻隻「小雪翁」好可愛，聖誕氣氛亦好濃厚，但就好似少咗一啲每小時會郁嘅裝置，沒有了以住等睇表演嘅回憶。而且「小雪翁」都非常密集，好似個個都係影相位，又好似個個都唔係，似乎感受現場氣氛比影相重要呢！

聖誕氣氛 ★★★★★

必影指數 ★★★☆☆

Christmas Together @ 海港城 

日期：2016年11月11 日 至 2017年1月2日 (上午 10時 至 晚上 10時)

地點：海港城海運大廈露天廣場