琴日美國總統大選去到點票階段，全球轟動，我諗大家同港女一樣，畀人洗晒版，個個朋友都講緊呢單大新聞。港女琴日都有緊貼最新動態，開咗好多個新聞網出嚟睇唔同資訊。
本來港女以為美國大選，睇美國啲新聞網跟進消息係理所當然最快最新，於是我就同時開住 The New York Times、CNN、Google 同埋朋友 Groups（笑）睇實狀況。後來竟然有朋友同港女講，原來呢幾個網都唔係最快，反而英國 The Guardian 先係最 update，加上網頁設計同 Infographics 做得靚，所以好好睇。以下港女就同大家分享 3 個網頁係點做美國大選啦～你地有其他覺得正嘅網媒都可以港女分享下㗎！
▲ 英國衛報（The Guardian）昨日報道美國總統大選的版面。（網頁截圖）
你入過去睇就會明白點解呢個網會畀港女啲朋友大讚。除咗因為資料內容更新得快，版面設計都真係好易睇：成版除咗左下的灰色 box 可以碌上碌下，畀人睇入面啲相關新聞，其他位置一眼睇晒，就係咁多，最重要嘅資料都喺晒上面，冇得碌，亦唔使碌。
▲ 地圖仲可以放大睇唔同 counties 的投票率，下面仲有 Brief 講解基本投票資料，好 comprehensive。（網頁截圖）
▲ CNN 昨日報道美國總統大選的版面。（網頁截圖）
上面港女有提及過嘅 The New York Times 同 CNN 入面，其實港女鍾意 CNN 啲內容編排多啲。除咗有最重要嘅各個州份選舉人票數字，紫色圈入面，仲可以畀大家睇到人頭票數。據昨日下午 6：30 的數字，其實 Donald Trump 喺人頭上只係領先 Hillary Clinton 0.2%，如果唔係按選舉人票計算，D.T. 其實冇贏咁多。
▲Exit Poll 內容。（網頁截圖）
此外，港女亦好鍾意 CNN 喺點票結果下面，就放入 Exit Poll（票站調查），而唔係放參議院同眾議院嘅結果先。從 Exit Poll 的結果可以睇到唔同性別及年齡嘅投票意向，雖然看似普通，但呢樣其他網係冇做到，更加係好重要嘅資訊。
【教學】「ImageFX」Google AI 繪圖工具教學 免費使用、一鍵生成旅行／食物圖片 Google 搜尋主管：好日子已過 在新營運環境下快速向多方向發展 Google 禁止 AI 色情內容工具廣告 宣傳相關生成工具即無法通過審查
▲日本經濟新聞昨日報道美國總統大選的版面。（網頁截圖）
會提到呢個網純粹係因為佢整得靚，資料方面就一定唔夠上面兩個網咁多㗎喇，但一入到去就好清楚咁見到個點票結果，無論係字嘅顏色大細，還是圖像的表達方式都好正，特此嘉許（笑）。
香港就梗係冇咁多資源搞咁多嘢啦，我地個個媒體都蝕住做（雖然人地都係），又冇咁多駐外記者，你淨係睇下而家各大報章啲網頁設計，就知啦。不過，今次其實係一個好好嘅參考，話說選委會選舉就嚟到，係～我地係冇票，但都可以隆重其事一下，製作返啲好睇啲嘅內容出嚟㗎嘛，咁樣大家都睇得開心啲啦，係咪呀哈姆太郎？
【教學】「ImageFX」Google AI 繪圖工具教學 免費使用、一鍵生成旅行／食物圖片 Google 搜尋主管：好日子已過 在新營運環境下快速向多方向發展 Google 禁止 AI 色情內容工具廣告 宣傳相關生成工具即無法通過審查