任天堂迷你復刻版灰機下星期（11 月 11 日）便會正式推出，除細細部幾慳位之外，由於當中內置 30 款經典遊戲，相信不少玩家都應該想買一部。不過早前有傳媒曾披露過該主機不少缺點，當中手掣連接線太短就最令人不滿，幸好如今有配件生產商就想出了解決方法，並設計出一款專用的無線手掣。
配件生產商 Nyko 今次推出的這款 Miniboss 無線手掣，是專門為迷你復刻版灰機而設的新產品。雖然其外型設計與原裝手掣有點分別，但卻會有齊一樣功能，比如手掣上設有十字掣、A、B、Start 及 Select 掣等，並同時有一個開關鍵（未知是否可以用來控制主機開關），而更重要的是可無線控制，只需要在主機上插上接收器，即可在 30 呎範圍內無線使用。
Miniboss 將會與迷你復刻版灰機一樣於 11 月 11 日正式發售，每個價格為 19.99 美元（約 155 港元），雖然價錢比起原裝有線手掣貴一倍，而且亦未知電池續航力有幾多（應該透過手掣底部的 USB 插口充電），但有鑑於原裝有線連接線實在太短，基本上要坐喺主機旁邊才玩得到，因此如果大家想玩得放啲，這個 Miniboss 絕對會是不二之選。
來源：Nyko
網絡爆料任天堂 Switch 2 可向後兼容初代遊戲卡帶 任天堂一改多年態度 計劃進軍印度市場 任天堂新機或名為「Switch Attach」 YouTube 問卷透露名稱惹討論