秋風起，皮膚乾燥都算，連頭髮都俾靜電搞到飛飛下，又係負離子髮梳出動嘅時候了！除了之前介紹過嘅 Bijouna 磁氣音波按摩梳、Philips 負離子造型髮梳 及 PEC 磁氣音波摺合梳 外，最近豐澤引入了把 Karuizawa Beauty 負離子髮梳，我依莉詩當然急不及待借嚟一試啦！
大面積氣墊按摩頭皮
Karuizawa Beauty 負離子髮梳同 Bijouna 一樣係家用梳，有長長嘅手柄。雖然比較重，唔方便帶出街，不過勝在手感好，易揸手，遇到打結時能夠就到力，一下解開。而大面積嘅氣墊同圓頭梳齒設計，不但不傷頭皮，梳頭的時候，輕輕按壓亦能按摩頭皮，感覺幾舒服。不過 Karuizawa 唔似 Bijouna 或者 PEC 會震動，所以表面上佢同普通梳無分別。
▲ 長長嘅手柄手感好，易揸手，不過就唔方便攜帶。
▲ 圓角設計看上去有點笨重，未算太優雅。
▲ 每一根梳齒頂端採用了圓頭無縫設計，防止梳理過程中因拉扯而對頭髮造成傷害。
▲ 2粒 AAA電池就可以使用，免除充電嘅麻煩。
負離子趕走毛燥
與利用音波原理嘅美容梳唔同，Karuizawa利用負離子技術撫平毛燥，所以唔會震動。如果唔係睇下方燈號基本上唔會知佢著咗。雖然梳理嘅時候同普通梳好像沒有分別，不過細心留意，當梳齒接觸到頭髮時會聽到很微弱嘅聲音，神奇的是，美容梳經過嘅頭髮都會立即變得貼服柔順，情況就好像使用負離子直髮夾時一樣。當然因為沒有熱力，頭髮不會變到很平直，效果反而更自然，而且不傷頭髮。
▲ 美容梳經過嘅頭髮都會立即變得貼服柔順沒有毛燥，相反，如果凌空掃過，頭髮會飛起，用於造型就容易做出不同效果。
▲ 按下美容梳中間的按鈕就會釋放負離子，當梳齒接觸到頭髮時會聽到很微弱嘅聲音。
▲ 梳髮後，頭髮明顯減少了毛燥感。
依莉詩：「飛甩毛燥！梳到又順又直」
唔好以為剛電完負離子試離子梳好似沒有太大作用，原來咁反而更加睇到 BB毛係無飛飛下。美容梳經過嘅頭髮都會立即變得貼服柔順沒有毛燥，無論紮辮紮髻都不怕有 BB 毛飛起。相反，如果凌空掃過，頭髮會飛起，可以打造凌亂感嘅造型。雖然 Karuizawa 都幾大把，不過長手柄梳起上來更就力，大面積嘅氣墊可以同時按摩頭皮，但每朝用佢梳頭就可以有貼服有光澤嘅造型啦！
| Karuizawa | Bijouna | Philips | PEC | |
| 梳理方式 | 負離子 | 磁氣+音波 | 負離子 | 磁氣+音波 |
| 造型效果 | ★★★★★ | ★★★★☆ | ★★★★★ | ★★★☆☆ |
| 把手觸感 | ★★★★★ | ★★★★★ | ★★★☆☆ | ★★★★☆ |
| 舒適度 | ★★★★☆ | ★★★★☆ | ★★★★☆ | ★★★☆☆ |
| 可攜性 | ★★★☆☆ | ★★★☆☆ | ★★★★☆ | ★★★★★ |
| 外觀 | ★★★☆☆ | ★★★☆☆ | ★★★★★ | ★★★★☆ |
| 供電方式 | 2 粒 AAA電池 | 2 粒 AAA電池 | 1 粒 AAA電池 | 2 粒 AAA電池 |
| 參考價 | $238 | $398 | $238 – $268 | $299 |
Karuizawa Beauty 負離子髮梳
售價： HK$238
查詢：豐澤 (2555 5788)
相關文章:
受保護的文章：Draft: 必睇 iPhone 16 出機攻略 | TRADE-IN 靚價情報︰豐澤iPhone TRADE-IN 價比專門店高出 $2,600^！
分享到 :
最新影片
