自從 VR 虛擬實景興起之後，入門級嘅 360 CAM 愈出愈多，長形、波形嘅就介紹得多。最近我依莉詩就搵到部粉色系、四四方方嘅 OKAA Life 360 CAM。睇過樣就夠晒得意，依家就睇睇拍嘅片得唔得啦！
現時大部份 360 CAM 都走型格路線，顏色多以黑、白、銀為主色，但呢部 OKAA Life 360 CAM 除了傳統嘅黑色，仲有女生們最愛嘅粉紅同粉藍色，加上四四方方嘅圓角外型，相信會迷到不少女性用家。OKAA 體積雖然比 Ricoh 或者 LG 嘅 360 CAM 大同厚身，不過放係手心都唔覺太大，而且只有 186g，就算加埋隨送嘅腳架一齊拎都唔會太重，單手都可以控制自如。另外，現時比較少有防水 360 CAM，而 OKAA 支援 IPX4 生活防水，雖然都係唔可以浸水，不過落雨拎出街都唔會太大問題。
▲ 跟機附送嘅配件都幾多，而且實用，小型三腳架可以同時充當手柄，而 VR眼罩用於觀看成品。另外還有保護硬盒、充電線、抹布、重設針及說明書。
▲ 粉藍色四四方方嘅圓角外型有份可愛感覺。
▲ 體積雖然比 Ricoh 或者 LG 嘅 360 CAM 大同厚身，不過放係手心都唔覺太大，旅行隨身攜帶都唔過份。
▲ 則面有 3個按鍵，包括開關、拍攝及 Wi-Fi 鍵，一鍵就連接到手機，簡單易用。
▲ 跟機附送一張 8GB micro SD卡，最高可支援 128GB。
▲ OKAA 底部有標準腳架接口，可以共同大部份 Go Pro 嘅配件。
同大部份 360 CAM 一樣，OKAA 需要連接手機才能觀看所拍得嘅影像，而且支援 iOS 及 Android 手機及平板。 OKAA 只要按下機則嘅按鈕就會用 Wi-Fi 接駁手機，就可以利用手機 App 即時觀看同控制，而且仲有小星球、全景、魚眼、VR等多種瀏覽方式，毋需額外剪接。如果轉到 VR模式，仲可以一邊戴上 VR眼罩一邊觀看實時拍攝嘅景物。不過都要提提大家，雖然延誤唔太嚴重，不過戴上 VR眼罩後會無晒距離感，還是有人陪同先好咁玩啊！另外，OKAA 除了一般拍片同影相，仲可以當作車Cam 用，係汽車攝錄模式時，當記憶卡爆滿就會自動循環錄影。既然多了一個用途，就唔怕買咗之後 3分鐘熱度了。
▲ 隨送嘅VR眼罩設計有點似暴風魔鏡，頂部可調校兩邊鏡組間距，就算有近視嘅朋友戴上都一樣睇得清晰。
▲ VR模式會將畫面左右分割，將手機夾係 VR眼罩上，隨着頭部移動就可以睇到四周環境。
▲ 機頂備有LCD屏幕顯示資訊，更提供汽車攝錄模式，可以充當車Cam使用。
叫得 360 CAM，OKAA 當然可以上下左右 360度拍攝全景。雙層光學防霧 F2.0 大光圈魚眼鏡頭可以拍攝 3008 x 1504解像度嘅相片或 1920 x 960 解像度嘅影片。雖然畫質解像度未到 4K，亦比各個大牌子嘅解像度低，不過成像亦算清晰，就算係日落期間拍攝，光差同接駁位都唔明顯，分享在 Facebook 及 YouTube 等社交網站應該非常足夠。
▲ 雖然解像度比各大牌子都低，不過感覺上輪廓比 LG 銳利。
一見到呢部 360 CAM 我就俾佢外型吸引住，雖然佢唔似長形嘅 CAM 可以徒手拎，一定要加手柄，不過粉藍色、四四方方嘅外型超可愛，而且 iOS 同 Android 都用得，靈活度比較大。雖然連接時手機都有斷線情況，不過延誤唔算大。至於畫質，輪廓都幾清晰，就算係日落期間拍攝，光差同接駁位都唔明顯，分享在 Facebook 及 YouTube 等社交網站應該非常足夠。
OKAA Life 360 CAM
售價：$1780
查詢：31885829
相關影片:
