限量 1 萬套！日清推出「生 Cup Noodle」有湯底打開即食都得

為慶祝合味道杯麵（Cup Noodle）誕生 45 週年，早前日清就曾經舉行過不少紀念活動，比如除推出過一款 Cup Noodle 型金屬煲外，亦舉行過一項總選舉。至於近日他們為慶祝日清食品網上商店重新開張，更帶來一套「生 Cup Noodle」套裝，而且一打開後入面竟然已有湯汁！

「生 Cup Noodle」套裝內分別會有一罐「生 Cup Noodle 杯麵」及一個設有手把及杯蓋的「Cup Noodle 杯」，留意有別於一般的合味道杯麵需要加熱水才能進食，生 Cup Noodle 的最特別之處在於本身已設有湯汁，當然大家一打開來便可即刻進食，但官方建議的食法是先將之倒入 Cup Noodle 杯內，然後再放入微波爐內加熱才進食。

至於材料方面，生 Cup Noodle 當中就有齊蒟蒻麵、豬肉、蝦及蛋等，雖然資料顯示每個熱量只有 88kcal，比起一般 Cup Noodle 的 353kcal 少得多，但留意份量亦比較少，應該無法用來醫肚。此外，據 Mynavi 試食後表示即使有熟悉的醬油味，但湯底的胡椒味卻較濃，而且麵條亦更加彈牙，與平時食開的 Cup Noodle 有點分別。

不過若然大家想入手這套「生 Cup Noodle」應該會有一定難度，一來它只會以禮品形式送出，於日清食品網上商店買滿 2,000 日圓產品才可獲得一套。二來限量 1 萬套太少亦是一大問題，截稿前已經全數送出，相信即使有人拿出來兜售，但價格應該不會便宜。

來源：Mynavi、Nissin