幪面超人不經不覺已經守護咗人類 45年，最近歷代幪面超人就齊齊去咗屯門市廣場見粉絲，而我依莉詩亦第一時間去朝聖啦！
等身幪面超人「Black」現身
由 1971年幪面超人 1號誕生以來，幪面超人可以話係唔少港人嘅童年回憶，當中石之森章太郎昭和年代嘅角色，幪面超人「Black」更係經典。今次展覽最矚目嘅就係遠道從日本運來嘅立體幪面超人「Black」等身像。雖然隔住玻璃，不過相信幪面超人迷都會忍唔住同佢合照，大擺變身 pose！另外，同場仲有多個歷代幪面超人嘅 figure 展出，唔知大家曾經又擁有幾多個呢？
▲ 幪面超人「Black」有成個人咁高，就好似真人企喺隔離呢！
▲ 兩隻昆蟲般嘅大眼，一睇咁就係幪面超人。
▲ 關節位雖然唔郁得，不過造工都十分仔細。
▲ 變身腰帶都好逼真，啲掣好似真係襟得咁。
▲ 手指關節都好仔細，近睇都好似真人。
▲ 不同的收藏家展出自己心愛嘅幪面超人 Figure 。
▲ 每一個都十分有型呢！
▲ 幪面超人亞馬遜同幪面超人 ZX 合做對付壞蛋呢！
石之森章太郎手稿首度亮相
喺 Pop-up Store 嘅牆上掛滿石之森章太郎多張珍貴手稿複印，當中唔止有幪面超人系列，仲有幾幅石之森章太郎多年前嘅手稿作品，極高欣賞價值。
▲ 十多幅石之森章太郎多張珍貴手稿複印貼係 Pop-up Store 牆外。
▲ 雖然係複印本，不過係香港首次展出，相當難得。
▲ 當中唔止有幪面超人系列，仲有幾幅石之森章太郎多年前嘅手稿作品。
搶購幪面超人精品
雖然話係展覽，不過今次極大部份面積用作 Pop-up Store，售價幪面超人精品，如變身腰帶、頭像模型、對戰咭及咭冊等，當中仲有最新嘅幪面超人「鎧武」產品，吸引小朋友嘅目光。而最有紀念價值就係限量發售 150套嘅 45週年會場限定版搪膠公仔，兩款都只係曾經於本年 4月係日本涉谷幪面超人展覽中作短期發售，收藏價值極高！
▲ 45週年會場限定版搪膠公仔分別係幪面超人古迦 (KUUGA) 及 幪面超人555(FAIZ)，每套 $260。
▲ Q版幪面超人咕臣都係 $150，攬晒返屋企都唔會心痛。
▲ 仲有多款幪面超人衫，$150-260不等。
▲ 另外，專區內特設多款幪面超人「鎧武」產品，玩具由 $79-299 不等。
▲ 展覽場外更設有多部扭蛋機，小朋友仲可以免費試玩幪面超人卡牌遊戲機，一定玩到唔捨得走！
▲ 今個星期六、日 (2016 年 10 月 1 及 2 日) 下午 2 時至 5 時，幪面超人V3 同 Super1 仲會現身同大家見面，教大家一齊擺 pose 呢！
依莉詩：「賣嘢為主，展品不多」
今次嘅展覽比起平時係屯市嘅展覽細咗一半，展覽最大面積係 Pop-up Store，大型展品亦只有一個幪面超人「Black」，其他都係細細件嘅收藏。除非係超級 fans ，唔係未必值得山長水遠入屯門睇。
石之森章太郎《 幪面超人 45 週年特典店暨展覽館》
日期：2016 年 9 月 30 日至 2016 年 10 月 31 日 (上午 12 時至晚上 9 時)
地點：屯門市廣場一樓中央廣場
分享到 :
最新影片
