今日凌晨，Apple 就正式推出了最新的 Mac 作業系統 macOS Sierra，唔知大家升級咗未呢？當中有個 PIP 畫中畫功能，之前筆者都以為 YouTube 未支援到，誰不知原來係支援的，只係收埋咗係「鬼崇」位！究竟點樣可以邊用 full screen 打機，邊可以睇娜姐 YouTube 呢？而家就教教大家啦！
Step 01：首先用 Safari 打開 YouTube 網站，然後找到想睇的影片，之後在影片上方按滑鼠右鍵，大家就會見到這個目錄。無嘅？唔好急……
Step 02：再按多次滑鼠右鍵，神奇的事發生了！大家見到「進入子母畫面」的選項嗎？這就是 PIP 了。按下它。
Step 03：成功！YouTube 播放影片部分就被分離出來了，而本身網頁一方的播放器就會變為黑色一片。此時只要將 Safari 瀏覽器縮到最細，就可以用 PIP 睇 YouTube 了。不過要留意：只能將 Safari 縮到最細，而不能關閉它或關閉 YouTube 的一頁 Tab，否則會連以 PIP 播放的 YouTube 影片都被關掉哦！
Step 04：另外，只要拉動 PIP 播放器的右下角，就可以縮放播放器的大細。
Step 05：當影片設定好後，大家只要打開遊戲或者其他需要主熒幕使用的程式，就可以邊工作 / 打機邊睇 YouTube 了，十分方便。
