尖沙咀必食！超多汁日本溫室蜜瓜芭菲

雖然已經過咗中秋，但天氣仍然熱辣辣，如果有一杯涼浸浸的芭菲，再加上啖啖清甜的蜜瓜你話幾消暑呢！今日我依莉詩就係尖沙咀行街行到攰，走咗上去呢間來自日本的人氣芭菲店 UFUFU CAFE 食甜品，日本溫室蜜瓜真係超甜超多汁啊！

主打網紋蜜瓜脆綠又清新

呢間芭菲店 6月初先已 115種不同口味不同口感的自家製芭菲登陸香港。最近就以推出全新的日本溫室蜜瓜系列，最有份量的特盛日本溫室蜜瓜布丁芭菲更使用日本原裝半個溫室網紋蜜瓜而特製，單單睇樣已經夠震撼，味道仲好清甜添！

▲  所有蜜瓜都係每日由日本空運到港，加上現在正正是蜜瓜當造時期，果肉柔軟又清甜多汁，就甜品簡直一流。不過以下介紹的甜品每日只有 20份，去之前最好打定個電話先啦！

▲ 特盛日本溫室蜜瓜布丁芭菲 $250

最震撼的莫過於呢個以半個日本溫室網紋蜜瓜製作的【特盛日本溫室蜜瓜布丁芭菲】，啱晒相機食先的朋友，齋睇都流晒口水，食落啖啖柔軟果肉，又清甜又多汁，加上北海道牛乳 3.6 軟雪糕、布丁、士多啤梨、鮮甜的蘋果及橙，味道超夾。份量足夠兩個人食，一人一啖夠晒 sweet！

▲ 日本溫室蜜瓜梳乎厘班戟 $120

最近興食厚厚的班戟，而呢個梳乎厘班戟唔單止超過 3cm厚，上面仲有鮮甜多汁的網紋蜜瓜，構圖十分唯美。冰凍的北海道牛乳 3.6軟雪糕配合暖烘烘的梳乎厘班戟食，一熱一冷，刺激味蕾。食的時候淋上楓樹蜜糖，更加令甜度帶到另一個層次。

▲ 日本溫室蜜瓜芭菲 $120

長玻璃杯盛著的蜜瓜芭菲底層有包括西瓜、奇異果及火龍果等鮮雜果，再有一層軟滑忌廉及脆米，而杯頂是一片片的蜜瓜及北海道牛乳3.6雲呢拿軟雪糕。雖然說是甜品，不過咁多生果，減少好多罪惡感呢！

▲ 巴馬火腿蜜瓜薄餅

除咗甜品，蜜瓜配巴馬火腿可以話係完美的配塔，一口咬落去，蜜瓜的果汁一湧而出，配合極薄柔軟鹹鮮的巴馬火腿肉片，一鹹一甜恰到好處，生火腿的風味更加突顯蜜瓜的甘甜。不過加上水牛芝士薄餅之後，就好似顯得比較鹹，所以我會建議分開食。

▲ 迷你芭菲午市套餐  $118

擔心帶女朋友嚟食，自己又唔想食甜嘢？星期一至五限定的迷你芭菲日式午市套餐都唔錯呢！不但有前菜沙律、日式炆煮物配白飯同飲品，仲可以選擇栗子蓉芭菲、香蕉朱古力芭菲或士多啤梨軟雪糕芭菲其中一杯，又有主食又有甜品，夠晒豐富。

依莉詩：「冧女必去！」

女仔就係咁矛盾，又想食甜品又怕肥。如果係生果就可以大大減低罪惡感，所以日本溫室蜜瓜就啱晒，啖啖柔軟果肉，又甜又多汁。最有份量的特盛日本溫室蜜瓜布丁芭菲更使用日本原裝半個溫室網紋蜜瓜而特製，單單睇樣已經夠震撼，打卡一定無得輸，兩個人食一份仲夠晒 sweet。不過間嘢係樓上鋪，都有 D 難搵，同女仔去尖沙咀行街識帶佢去，一定加唔少分呢！

▲ 有趣的是，我叫的抹茶牛奶都畫上了網紋，唔知仲以為係蜜瓜特飲啊！

UFUFU CAFE

地址：尖沙咀金馬倫道5號太興廣場5樓

電話：2711 6117