各位四眼一族都可能試過配錯度數，又要番去眼鏡鋪再配過，隨時為咗副眼鏡要行好幾轉。最近 eGG 同小甜谷合作開設咗間 「眼鏡遇上甜品」概念店，不但最快一小時取貨，仲可以係配眼鏡的時候品嚐甜品或輕食消磨時間。我依莉詩今日就去咗體驗啦！
過百款眼鏡詆啱即配
去 eGG 配眼鏡都知道佢同普通眼鏡鋪唔同，店內有埋車鏡片機，如果度數唔深，揀好鏡框就可以最快一小時配好眼鏡。不過係一個鐘話多唔多，又可以做 D 咩呢？今次呢間概念店一半係眼鏡鋪，另一半係甜品店，咁大家就可以係果一個鐘坐底品嚐甜品或輕食。
▲ 店內有一半位置擺放各款鏡框俾大家試，每個鏡框都有標價，而且已經包埋鏡片。明碼實價，唔駛講價。
▲ 試啱，視光師就會同你驗眼，過程同平時驗眼差唔多。
▲ 最偉大就係呢部機，可以根據眼框形狀界好鏡片。
食少甜甜品消磨時間
就係等拎眼鏡的時間，可以到隔離食少少嘢。因為小甜谷出名少甜，所以味道偏淡，不愛甜食的朋友都可以一試。
▲ 韓式咖喱蜜糖豬仔骨 $78
雖然咖喱味唔多似係韓式，不過豬仔骨整到好淋，而且相當入味。
▲ 芒果梳乎窩夫配雪糕 $78
窩夫以梳乎厘的方法製成，非常軟熟，加上新鮮芒果，口感清新唔會「漏」。
▲ 杏仁茶 $38
杏仁茶味道濃郁帶少少甜，太愛食甜品的朋友都會鍾意。
依莉詩：「概念幾新穎！」
用配眼鏡的時間走去食嘢的概念幾特別，而且眼鏡最快 1小時就拎得，唔駛走嚟走去，非常好。不過概念店開係其他地方可能更好，始終係商場入面，旁邊唔多唔少都有食肆，好難突出佢的優點。
eGG meets 小甜谷
地址：旺角朗豪坊 10樓 19-20號鋪
查詢：2882 6133
Leave a Comment