小型流動冷氣機 Evapolar　依莉詩：「比吹芭蕉扇舒服得多！」

係 Office 經常都會出現搶冷氣遙控的情況，事關坐窗邊的依莉詩經常都覺得熱，校到部冷氣大一大，但風口位的同事就凍到雪條咁。而最近同事就好好人咁送咗部我的專屬冷氣俾我啦！

的的骰骰免安裝

呢部冷氣的的骰骰、四四方方，同支 500 ml 的水差唔多高，不會佔太大空間，放係枱面就可以嘆到私人冷氣。最重要係可以用外置充電器供電，放係任何一個角落都得，唔駛安裝。亦因為佢的可用範圍只有周圍 5 平方公尺的地方，所以只會吹到局部空間，唔會影響其他同事，有咗佢之後大家就唔駛再嘈 Office 太凍或太熱了。

▲ Evapolar 的尺寸只有 174 x 170 x 170 mm，同支 500 ml 的水差唔多高，而重量亦只有 1.3 kg。雖然未去到可以隨身帶出街的 size ，不過放係枱面唔會太佔空間。

▲ 因為  Evapolar 的用電量只有 10W ，所以可以選擇插三腳插或尿袋供電，想放置係邊都得，非常方便。

▲ 開始時水箱會發出 LED 燈，你可以按心情去轉換不同的顏色，而且這是呼吸燈的頻率，可以讓放鬆。

降溫兼保濕皮膚唔怕乾

平時吹冷氣最大的問題就係會令皮膚好乾，而 Evapolar 唔止降溫咁簡單，仲會同時改善濕度同空氣淨化。只要注入清水到水箱，內置的玄武岩纖維引水紙就會汲取水分，利用水分散發的濕氣達到降溫效果。同時因為水分蒸發，空氣中的濕度亦會上升，令皮膚唔會覺得乾。而我試過放常溫水，大約 10分鐘後，溫度由 23度下降到 19.3度，而濕度就由 31%大幅升至 53%。然後再試倒入凍水，10分鐘後，溫度進一步由 19.3度跌到 18.2度，濕度由 53%升至54%，明顯使用  Evapolar 之後的環境有所改善。而且因為唔駛用雪種，比起大型冷氣機省電。不過，因為佢的效能唔係太強，所以係室外或者高溫下用途不大，所以佢係一部係冷氣房用的個人冷氣。

▲ Evapolar 並唔係單純噴出霧氣的裝置，拆開入面有一舊有 20片引水紙的濾網，吸水後用機背的風扇吹出凍風。

▲ 用凍水的效果比較明顯，開機後 2 到 3 分鐘就會有凍風，不過就需要每 6 至 8 小時補水一次，我就成日唔記得加水，好彩都仲會降到溫。

▲ 未開機前的溫度係 23.8度，濕度係 31% ，環境不太好，所以溫度計出現苦臉。

▲ 係放常溫水的情況下，10分鐘後溫度由 23度下降到 19.3度，而濕度就由 31%大幅升至 53%，溫度計變成哈哈笑了。

 ▲ 然後再試倒入凍水，10分鐘後，溫度進一步由 19.3度跌到 18.2度，濕度由 53%升至54%，明顯使用  Evapolar 之後的環境有所改善。 ▲ 其實 Evapolar 內裹有部電腦風扇，可以校不同風速。

▲ 如果講風速，巴蕉扇比 Evapolar 強勁得多。

▲ 不過因為 Evapolar 會同時放濕，所以做到比巴蕉扇更好的降溫效果。

依莉詩：「比吹芭蕉扇舒服得多！」

坦白講呢部個人冷氣可以用的情況唔多，室外或者高溫下都用唔著，不過用係有冷氣的地方開就好有用，特別係平時吹唔多冷氣的死角位，佢就可以做到補足。好似我呢 D 坐窗邊的，放一部係辦公桌，size 唔太大，但就唔駛開大 Office 部冷氣都可以吹到冷氣。同時因為佢有放濕效果，對於長期坐係 Office 的朋友都好有用，皮膚就唔會變得乾燥。雖然長期使用的確比吹芭蕉扇舒服得多，但要成日換水又係一個麻煩。

售價：HK$2,380
查詢：JC Shop eXclusive (2154 4281)