依莉詩：「0.2秒對焦算快，美肌有『蛇精』Feel」　港女專用手機 Sugar F7 初步評測

被譽為港女手機品牌的 SUGAR 今年相當進取，繼 5月推出入門級的 C7 後，今日又推出級數差不多的 F7。就等我依莉詩同大家介紹下啦！

外型低調奢華，硬件升級逼近旗艦機

今次 Sugar F7 同 C7 一樣放棄咗用 SWAROVSKI  圍邊的港女形象，將 20 粒 SWAROVSKI 人工寶石鑲嵌係主鏡頭旁，變得更低調奢華。顏色方面，使用大熱的香檳金同玫瑰金，相當好襯衫。至於硬件方面採用 1.4GHz 8核心處理器、64GB ROM、 4GB RAM，而且支援雙 SIM 卡同插 128GB micro SD，逼近同品牌的旗艦機。

▲ 外型上同 C7 差不多。

▲ 使用大熱的香檳金同玫瑰金，相當好襯衫。

▲ 20 粒 SWAROVSKI 人工寶石鑲嵌係主鏡頭旁，變得更低調奢華。

▲ 微曲的機底幾好揸手。

▲支援雙 SIM 卡同插 128GB micro SD。

▲ 雖然唔可以換電，不過 3.0快充技術及 3000mAh 大容量電池應該足夠長時間煲劇。 ▲ 唔單止插頭係粉紅色，連機套都襯晒一 set。

0.2秒對焦，美肌變誇張

既然係女仔手機，強的相機功能一定唔少得。F7 的前置鏡頭有 800 萬像素，而主鏡頭有 1300 萬像素，使用 PDAF技術，達致 0.2秒對焦，都幾快。不過今次的美肌模式好似退步咗，有少許油畫及「蛇精」，特別係瘦面時好易起角，不太自然。

▲ 睇到我同女神 Lilian 合照就發覺面部有不自然的角。

▲ 對焦亦相當快。

▲ F7 新增了雙開 Whatsapp 、 Facebook 等功能，那就可以隨時轉換 Facebook 了。

依莉詩：「同 C7 分別不大」

今次 SUGAR F7 以硬件配備算係中階機，而外型同入門級的 C7 差不多， SWAROVSKI  圍住手機鏡頭，低調大方。而美肌功能同 C7 亦差不多有少許油畫及「蛇精」。不過用戶體驗方面，長截圖、指紋解鎖、雙開 Whatsapp、Facebook 等都相當方便手機白痴用，所以買俾女朋友或者媽媽都係不錯的選擇。

 

查詢：SUGAR

售價：$2,598