最近一條「大頭狗」的 360片熱爆，令唔少人發現帶 360 cam 去旅行的好處，可以一次過記錄景點的四周環境，以後睇番片都可以仿如再去一次旅行。而歷史悠久的菲林品牌 Kodak 最近積極發展 Action Cam 市場，繼推出 PixPro SP360 4K全景相機後，再進一步推出防水殼，挑戰 GoPro 。
相關影片:
Pixpro SP360 4K 其實 2015 已經發佈，不過一路都未正式係香港推出，襯住今日的防水殼記招，我依莉詩就一於試埋佢！Pixpro SP360-4K 係一部可以記錄 4K 影像的運動攝錄機，而且可視角度達到 360°，比 Go Pro 更闊，所以只要前後兩部合併就會將整個背景攝入成 360 VR 影片或相片。不過，雖然Pixpro SP360-4K 唔算大部，同 Go Pro 差唔多，不過如果同時要拎兩部一齊拍都幾重，要一路行一路自拍好難揸得穩，好彩個防震就得都唔差，拍出嚟都算穩定。不過暫時只能用電腦將兩條片合併，相比起 Samsung Gear 360 或者 LG 360 CAM 等 360的攝錄機，就需要多一個步驟了。
▲ Pixpro SP360-4K (上) 其實同 Pixpro SP360 (下) 沒有太大分別，採用方型設計，但拍攝質素則會由 Full HD 提高至 4K 級數。
▲ 開始拍攝的掣係頂部，大大粒紅點一睇就知，唔係同開關掣混淆。
▲ 底部的接孔可接駁一般相機腳架、自拍捧等等。
▲ 雖然一粒電只能用 45-60分鐘，不過打開機背可以換電。咁帶多幾舊電唔怕旅行途中無電啦！
▲ 另一邊，螢幕顯示拍攝的時間同電量，都幾清晰。
雖然 Pixpro SP360-4K 本身已經好硬淨，不但生活防水，仲具備 2米防摔、IP6X防塵 同 -10度防寒，不過加埋新推出的雙機防水殼就可以在 60米深海底潛水拍攝，360 拍攝海底世界。
其實 Pixpro SP360-4K 係可視角度同影片質素都比 Go Pro 優勝，不過要做 360攝錄機就無 Samsung Gear 360 或者 LG 360 CAM 等咁方便。因為同時要拎兩部一齊拍都幾重，要一路行一路自拍好難揸得穩，而且需要多一個步驟將兩條片合併。正當 Youtube 同 Facebook 都支援 360 的相片及影片時，相信 360 拍攝已經成為潮流，不過唔係每種情況都適合使用全景拍攝，應該比較適合成日去旅行或者鍾意上山下海的朋友吧！
PIXPRO SP-360- 4K
單機套裝： $3680 / 雙機套裝：$6880
雙機防水殼：$998