《9大暑假必去濕身地》未必啱愛靜的朋友，所以我依莉詩就特意揀選多 11個暑期必去打卡位，滿足一下大家放閃的意欲。
平時 D 商場打卡位都係主要俾女仔影，而今次呢個以 NBA 球星為主題的展覽肯定會令男士們瘋狂。當中重點必定係超逼真1:1傳奇球星人偶，包括「籃球之神」Michael Jordan、公認最有資格與MJ齊名的Kobe Bryant及開創NBA三分球傳奇的耀眼新星Stephan Curry。另外的更展出逾百款見證神話誕生的傳奇籃球鞋，當中包括：Air Jordan（AJ）1985年至2016年最完整的30 年經典收藏系列，向籃球巨星致敬。
想知更多影相位：依莉詩唔係矮 Michael Jordan 好多！ 3大「籃神」真人原大雕像登陸利園區
日期：2016年 7月20日至 8月31日
地點： Hysan Place 地面啟超道入口、1樓、7樓及12樓、利舞臺地面露天廣場
另一個男士們必定要去的展覽一定非《聖鬥士星矢》三十週年展莫屬。當中會展出包括 30年間推出約250個《聖鬥士星矢》figures、聖鬥士星矢 D.D.PANORAMATION 系列巨型情景，及12個黃道十二宮的「黄金聖鬥士」所穿著的 1比1等身大、金光閃閃的星座形態聖衣。屆時，還會以廣東話播出他們出絕招時的經典對白。雖然展覽仲未有實景睇，不過只係聽目前的消息已經令人興奮，想知更多要密切留意我之後的報導啦！
日期：2016年 8月8日至 8月31日
地點：時代廣場 露天廣場、地面展覽廳
同樣係 70、80後的集體回憶，藍精爸爸將成個巨型藍精靈村莊搬咗去海港城。而港威商場更同時展出 36幅珍貴原稿及 8個漫畫經典場境，《藍精靈》粉絲一定唔可以錯過！
想知更多影相位：巨型藍精靈村莊搬到海港城！依莉詩帶係睇漫畫絕密原稿
日期: 2016年 7月14日 至 8月21日
地點: 海港城海運大廈露天廣場、海港城‧美術館、海港城港威商場地下長廊、海港城港威商場大堂I
去到 90後的回憶當然係陪住我長大的蠟筆小新。呢個場唔單止有多個影相位同多幅手稿外，仲有一個 3000呎的夏日競技場，激發大家的運動潛能。想知好唔好玩就睇番我的直播啦！
日期： 2016年 7月 22日至 8月 31日
地點： 荃灣廣場1樓中庭、荃灣廣場1樓長廊
呢個 5,000呎的《太鼓之達人》唔單止有 15隻 1:1的3D《太鼓之達人》公仔以運動達人亮相，當中包括單車、劍擊、柔道、籃球、拳擊、乒乓球等等。展覽更有多部最新的《太鼓之達人》街機免費試玩，一於去激起自己的太鼓之魂！
想知更多影相位：太鼓之達人創作人 :「對香港街機沒落感可惜」東港機太鼓街機 免－費－任－玩！
日期：7月9日至8 月31日 (10am – 10pm)
地點：東港城一樓展覽場
講到街機又點少得近期最 hit 的 Tsum Tsum。除咗有街機同貼紙機之外，仲有 P0p-up Store 同 4大動畫機動場景。當中最受觸目嘅當然就係 Tsum Tsum 鐘樓，主角米奇每半小時都會係鐘樓驚喜現身，為大家現場報時。除咗鐘樓之外，仲有搖滾劇場﹑劍球狂熱以及壽司嘉年華，每個裝置都相當可愛，呃 like 必影！
想知更多影相位：7 米高機動裝置！ Tsum Tsum Walk N’Roll Festival 登陸又一城
日期：即日至 8 月 16 日
地點：又一城 LG2 層﹑ G 層﹑ UG 層﹑ L2 層
同《聖鬥士星矢》一樣《櫻桃小丸子》漫畫都踏入三十周年。小丸子一家及同學們今次就以意大利風情登陸尖沙咀 The ONE。露天廣場搭建了一個意大利式的小丸子 Milano 花圃，五顏六色的繡球花砌成的大小丸子頭像，前方 30 個小丸子立體公仔，並穿上米蘭 時裝風格裙子，猶如表演 Fashion Show。
日期：2016年 7月9日 至 8月31日
地點：The ONE (香港尖沙咀彌敦道100號)
講到卡通人物影相位又點少得 Sanrio 家族，係偏遠的屯門就有多個人氣爆燈的角色傾巢而出。以水彩、蠟筆、油彩等一系列繪畫工具打造獨特風格的大型立體裝置中，Hello Kitty 、 XO、 Little Twin Stars、大口仔、 Cinnamoroll、布甸狗、Kuromi 同 蛋黃哥化身不同項目的運動健將，於競技場區落力比賽。
日期：即日至 2016 年 8 月 31 日
地點：屯門市廣場 一樓中央廣場
屯市有咁多 Sanrio 卡通人物，但偏偏就無 My Melody。原來佢獨自去咗樂富廣場推廣綠色健康生活同迎接四年一度的運動盛事。 My Melody 以田園及運動造型現身，在鮮花藝術打造成的士多啤梨農莊內，親身體驗「打氣種植」的樂趣，為水種植物注入生命力。
日期：2016年 7月8日至 8月21日
地點：領展樂富廣場
既然 My Melody 去咗樂富廣場，咁 Keroppi 又去咗邊呢？原來佢同屋企人去咗新都會廣場 Camping。當中最搶眼的就係 5.5米高巨型 Keroppi 木屋塔、型爆露營車、野外煮食營火等，家族成員更會陪同大家玩轉森林內的 3大野外露營遊戲，由早上玩到晚上，度過充滿大自然氣息的一日，野外型人們又豈能錯過呢？
想知更多影相位：Kerokerokeroppi 進駐葵芳新都會廣場！依莉詩帶你睇 3大野外露營主題影相位
日期 ：即日至8月31日 (上午10時30分至晚上10時)
地點︰新都會廣場 3樓天晶館
《妖怪手錶》係小朋友界可以話係大熱新星。炎炎夏日，地縛喵率領一眾妖怪駕臨 Mikiki 來個海邊大解放，換上繽紛活潑的夏日服飾，帶齊草帽、紙扇、滑浪板等消暑法寶，一同享受盛夏美好時光。
想知更多影相位：紅過 Pokemon！依莉詩到 Mikiki 同地縛喵大跳「宇宙DANCE」
日期：2016年7月18日至8月28日
地點：Mikiki 地下中庭 (新蒲崗太子道東638號)