《Pokemon GO》所帶來的熱潮可說是近年少見，現時出街總會見到有人玩緊，而不少公司及企業更乘機吸客，並舉行各式各樣的活動。至於近日就連九巴都出來趁熱鬧，皆因他們就推薦了多條捉小精靈的最佳路線，有得嘆冷氣之餘又唔怕日曬雨淋，如此就可以舒舒服服玩《Pokemon GO》了。
話說 KMB 九巴在官方 Facebook 專頁上，就推薦各位《Pokemon GO》玩家可以選乘幾條路線，當中包括有兩條「水屬路線」，分別為 1A 及 6 號線，1A 線來往秀茂坪到尖沙咀，並途經觀塘、九龍灣、旺角等地方再直到尖沙咀碼頭；6 號線則來往荔枝角至尖沙咀，期間會沿彌敦道經過旺角、深水埗再去到荔枝角公園。此外，九巴同時亦推薦了兩條「地面系路線」，分別為來往灣仔到屯門山景的 961，以及馬鞍山至紅磡的 85X。不過有市民就投訴上述幾條路線平日已經有好多人乘搭，特別是繁忙時間就更加嚴重，而今次經九巴宣傳後豈不是會更難搭到？並建議如果真係想吸引到更多玩家，最好就要加開更多班次。
不過其後有網民就認為九巴推薦的路線其實並非最好，因為他們認為行車時間越長及站數越多的路線，期間遇上小精靈及 Pokestop 的機會就會大大增加。其中有人就建議行駛元朗（東）總站至荃灣西站的 53 號線，因為全程 30.8 公里行駛時間需時 98 分鐘，而且中途更有超過 70 個站。然而有人指 53 號線車費要 $10.8 唔算平，而且路線偏僻 Pokestop 不算太密，所以有人反而推薦行駛彩雲至大角咀的 10 號線，皆因每程車費不但只需 $4.9，而且更重要的是循環線，來回 20.3 公里需時 127 分鐘，但留意坐足 2 個鐘既時間，記得要帶備尿袋啊！
來源：KMB 九巴專頁