整片非洲草原搬到德福廣場！依莉詩坐吉普車 + VR 影大象

非洲咁遠未必個個去到，但用 VR 就可以將非洲的草原立即搬係眼前。港產遊戲軟件設計師 淘滿慈  就將 3款獨家設計的非洲歷奇遊戲帶到德福廣場，好讓我地可以360度全景觀賞「非洲五巨」及各式瀕臨絕種的珍稀動物。我依莉詩今日坐上吉普車出發影大象啦！

挑戰 1：步步驚心過吊橋

▲ 吊橋頭個幾步仲要係爛嘅，真係有 D 腳仔軟！

▲ 遊戲背景由本港著名立體錯視創作畫家 Fei Wong，繪製成 3D 畫，讓人疑似身懸瀑布峭壁。

挑戰 2：眼明手快獵 BIG 5

行完攞膽嘅吊橋，可以企上吉普車後方，睇下動物輕鬆下。係只見動物不見人的馬塞馬拉大草原上，你可以用望遠鏡搜尋獅子、大象、犀牛、水牛、花豹等「非洲五巨」身影。而最有趣的是吉普車後方會左右搖晃，就好似真係企左上係前行緊的吉普車上，睇動物之餘都要練好平衡力啊！

▲ 除咗「非洲五巨」，東非劍羚、長頸羚、網紋長頸鹿和細紋斑馬等亦會在遊戲中出現，你又認到幾多種動物呢？

▲ 大草原背景上有架 1:1 比例的吉普車，令你玩得更投入。

挑戰 3：九霄滑翔降浮島

最後一個挑戰可以話有番少少難度，因為要係被稱為「非洲屋脊」的乞力馬札羅山上展開滑翔傘，係晃動同涼風下，用雙手操縱滑翔傘控制方向同平衡，並係湖面 3 個浮島之一降落。係山水望落地面的感覺好自由，雖然唔係真正玩緊滑翔傘，不過飛飛下真係唔想降落。

▲ 由山頂俯衝地面的感覺好自由，令人好想玩多幾次。

依莉詩：「畫質有番咁上下」

雖然呢 3個遊戲同上次 PopCorn 的「天行者」及「深海潛行」都係由淘滿慈同佢的團隊製作，不過無論畫質定趣味都明顯進步。3個遊戲其實都好簡單，不過配合咗現場的吊橋、吉普車同降傘就更有現在感，就算唔係玩緊的都可以感受到。而我特別鍾意「九霄滑翔降浮島 」，不但有風吹更有真實感，而且可以控制降傘降落，唔算刺激，但有挑戰性。小朋友或者初體驗 VR 的玩家可以不妨一試。

Summer Safari虛擬實景大歷險

日期：2016年 7 月 28日至 8 月28日 (中午12 時至 晚上 9時)

地點：德福廣場一期中央展場

查詢：2750 0877