之前同大家報導過日水的 Sharp 新一代機王 AQUOS Xx3 已抵港，外型確實頗吸引，不過日系機始終有一大堆網絡商內置 APP，用落感覺唔夠「乾淨」。最近台灣就同樣推出了此機，不過就命名為 AQUOS P1，顏色與早前 Softbank 版的 Xx3 有點不同，但用色就與 au 版一模一樣！究竟係點樣？而家帶大家睇睇。
▲用色根本就是日本的 au 版 506SH Xx3，不過就加回 Softbank 版有的指紋辨識器。
▲既然講用色與日本 au 版一樣，就自然除了白色外，亦有這款櫻花粉紅色及深藍色。
▲介面少了日水的當地網絡商內建 APPS，感覺乾淨好多。
▲不過在規格上就與日水相同：都是採用 Qualcomm Snapdragon 820 四核心處理器、3GB RAM、32GB ROM、5.24 吋 1080p 熒幕及 Android 6.0.1 作業系統。
總結：勝在升級唔洗煩 + 介面更乾淨！但……
由於台水的 Sharp AQUOS P1，基本上規格及功能與早前為大家介紹過的 AQUOS Xx3 506SH 相同，只是用色採用了 au 版的兩隻顏色而已，所以手機表現上在此就不再重述了，大家可 <點按此> 看回舊文。至於此機是否值得入手？筆者就有點保留，畢竟它的售價仍高達 $5,380，但它支援的頻譜只是 LTE 900、LTE 1800 及 LTE 2100（香港暫時用不到），用不到 LTE 2600，對於室外接收上肯定會有所影響，最少 4G 方面唔會收得好快；其次日水的 2,300 萬像素鏡頭，講明是有 Ricoh 的 GR 鏡頭認站，但台水的 P1 就沒有了此認證，雖然未見相片質素有明顯下降，但日水有認證，感覺似乎也較好一點吧。加上台水的粉紅及深藍色，筆者覺得始終不夠日水的黑色及淺藍色吸引，所以總括而言，除非大家想完全 get rid 日水的網絡商內置 APPS，否則日水的 506SH 似乎比台水的 P1 更好吧？唔知大家又點睇呢？
售價：$5,380
查詢：三禾電氣（2374 0618）
分享到 :
最新影片
