美洲國家盃已經結束，歐洲國家盃亦快將尾聲，但今年畢竟是「大賽年」，運動盛事一浪接一浪。之前我們為大家報導過 Samsung 在香港推出 GALAXY S7 edge 的奧運限量版，今日筆者就極速到手，而家就同大家來個開箱直擊 + 快速評測啦。
產品介紹影片
巴西奧運限量版開箱直擊
其實今次 Samsung 推出的 GALAXY S7 edge 奧運限量版，是為了將要開始的 2016 年巴西里約奧運而推出。究竟在包裝及設計上，與原版 S7 edge 及早前推出的蝙蝠俠版本 S7 edge 又有咩分別？而家就同大家來個開箱直擊！
▲這就是 S7 edge 的奧運限量版的包裝盒。
▲包裝盒上寫著 2016 巴西里約奧運字樣、標誌及五環標誌。
▲從標記上看到是黑色版本，而且是限量版，只限量 2,016 部架咋！
▲打開包裝盒就見到一個類似旅行細箱的物體。
▲上面一樣寫著奧運限量版的字樣。
▲其實呢個旅行細箱手感都幾好，而且可以好有用。點解？睇埋下文就知。
▲拉開拉鏈，就見到部 S7 edge 奧運限量版在右方。
▲開估了！點解呢個細箱咁好用？因為真係可以拿來旅行用，有兩個袋仔可以攝東西入去，另外大家不妨用來裝清潔或化妝 / 護膚用品，放入 hand carry 拿去旅行用，一流！
▲仲有個細袋仔，入面裝了所有配件，包括：火牛、耳機連保護盒、USB 連接線、Micro USB 轉大 USB 轉插及 SIM 卡槽取出針。另外呢個細袋都可以拿來裝物品哦！
五環顏色上身襯黑色幾靚
好啦，講完開箱就講下部機啦！今次呢部 Samsung GALAXY S7 edge 奧運限量版，既然開宗明義講明與奧運有關，自然裡裡外外都設有與奧運有關的設計啦。首先，如果大家要一睇件物品就就知道與奧運有關，肯定是與奧運的五環標誌拉上關係，今次呢部 S7 edge 奧運限量版正是如此。先講外觀，眾所周知奧運旗 5 隻顏色為藍、黑、紅、黃、綠，這 5 隻顏色就全部顯現在 S7 edge 奧運限量版上：首先機身與之前的 S7 edge 蝙蝠俠特別版一樣，無論機面、機邊及機背均是採用黑色設計，十分有型；另外聽筒位及 Home 鍵的金屬圈就採用黃色設計，位於機身左側的音量鍵及右側的開關鍵，就分別採用了綠色及紅色按鍵，至於機背的奧運五環標誌，以及相機及補光燈邊的金屬圈，就採用藍色設計。這些部分合起來，就正是奧運的五環標誌的 5 種顏色，十分有心思。
▲機面、機邊及機背均採用了黑色做主色，這與早前推出的蝙蝠俠特別版相同。
▲聽筒及 Home 鍵金屬邊均採用了黃色設計。
▲機身左側的音量鍵就用上了綠色設計。
▲而機身右側的開關鍵就採用了紅色設計。
▲至於機背的相機及補光燈金屬邊，以及奧環五環標誌，就用上了藍色設計，至此奧運五環旗的 5 種顏色，全部用上！
至於內裡方面，開機時已經會自動加入奧運主題，開機後底線就完全變為黑色，而所有 S7 edge 介面及圖示，均以其餘 4 色，包括：紅、藍、黃及綠顯示，而背景就加入了幾款以顯示出來的巴西里約奧運或 Samsung 自家產品的圖案，簡約之餘見型格。
▲一開機，單是 lock screen 已用上了五環旗全部 5 隻顏色（連黑色底色）。
▲所有介面都有用上這 5 種顏色，十分搶眼。
▲不同的內置程式亦用上五環旗的不同顏色。
▲開機時已預先安裝好 Olympic Edition 這個主題。
▲亦內建了充滿巴西里約奧運及 Samsung 產品特色的線條圖案作背景，算是幾有心思。
▲至於規格及功能方面，就與原版 GALAXY S7 edge 相同，同樣是內置 32GB 儲存空間。
總結：有心的奧運限量版
今次 Samsung 繼早前推出蝙蝠俠特別版的 S7 edge 後，再次應節推出奧運限量版，初時見到盒面寫著都是黑色版，本以為無甚特別。誰知道拿出手機，再開埋機，就見到 Samsung 的細心位在細節。誠然各種特別版中，筆者都認為奧運這類特別版最難做，因為要具備奧運特色又不要太複雜，確實有點困難。今次 Samsung 將五環旗的元素放入 S7 edge 的機身及介面設計中，可說是簡約之餘見心思，加上未有加價仍然只售 $5,998，只是限量發售 2,016 部，算是門檻較低的特別版，值得一讚。不過 Edward 覺得，如果 Samsung 可以將更多奧運元素放在手機內，例如：加入奧運主題曲作鈴聲、加入運動項目作牆紙或轉換主題、甚至可以有專屬介面，讓用家隨時直擊奧運各項比賽實況，相信作為用家，應該會覺得更為貼心吧？
至於點先買得到？大家可以<點按此>睇番之前篇 news 報導啦！
售價：$5,998
查詢：Samsung（3698 4698）
分享到 :
最新影片
