曾經有人話過香港麥當勞的市場策略係跟住 85-95後成長的。隨住我們的成長，我們不再食開心樂園餐，麥當勞的玩具同裝修亦再沒有麥當勞叔叔、滑嘟嘟、小飛飛同漢堡神偷。到底佢地又去咗邊呢？今個星期就一於去探下佢地吧！
偶然執屋都總個發現一兩件以前開心樂園餐的玩具，但點都估唔到以前的寶貝，今時今日已經變成展品了。太古城中心舉辦的「麥當勞玩具樂園」展出逾千件過去多年由麥當勞推出、極具代表性的麥當勞玩具精品，其中更包括多套當年人氣爆燈、秒速售罄的玩具珍藏，如轟動一時的史諾比世界之旅系列、Hello Kitty戀愛麥語、101斑點狗系列、麥當勞變型鐵甲人等 。唔知大家又有無儲過呢？如果當年飲恨未能儲齊一套，就要襯機會用相機鏡頭一一收藏起啦！另外，場內就有多款立體裝置，包括蘋果樹和火車頭卡位等，將昔日的餐廳佈置重現眼前，等你回到重拾當年食 M記的喜悅。
日期：2016年6月30日 ‑ 7月17日 (上午11時 ‑ 下午9時)
地點：太古城中心 Cityplaza 》香港太古城太古城道18號
回憶總係舊的好，不過科技每個人都追求要新要快。而今個星期就有近百個手作工藝人同新科技創客(Maker)合作示範他們最新的創意。吹糖師傅鍾彩雲作品維妙維肖，而留美學生梁博然現為麻省理工學生，研發了 3D 吹糖機。兩代糖人，同台較勁，比速度、論造型，會迸發甚麼火花？另外，曾憲宗、黃志明、梁志永 奔波香港各處，創作了「港色攝影」，展出30幅攝影作品，街道、人物、社區，奇幻的用色，帶你認識一個你似曾相識，卻需要再重新認識的香港。同時仲有新一代音樂人將流行曲重新改編及演奏樂曲 及 只能「搬」出去，不能「打」的巨型麻將等等。一於來個新舊 crossover。
同樣係舊玩意新玩法，堀內紀子一針一線，以柔軟而富彈性的紡織物料經數以月計時間織成相當龐大的手工編織遊樂場「Harmonic Motion」，將編織技術變得更加有趣。呢個手工編織遊樂場及同系作品已為全球多個國家的大小朋友，包括意大利、西班牙、日本等，帶來歡樂和學習機會。孩子可以透過玩耍了解自己，接觸環境帶來的挑戰，並利用自己構思的方法和智慧，建設屬於他們的美麗人生。
日期：2016年7月1日 ‑ 9月12日 (上午11時 ‑ 下午9時)
地點：ifc mall 》香港中環金融街8號